რუსმა ოკუპანტებმა პოლტავას ოლქის კრემენჩუგში სავაჭრო ცენტრზე სარაკეტო თავდასხმა განახორციელეს. ამ დროს შენობაში ათასზე მეტი ვიზიტორი  იყო.

პოლტავას რეგიონალური ადმინისტრაციის ხელმძღვანელმა დიმიტრი ლუნინმა განაცხადა, რომ დარტყმა კრემენჩუგში იყო. კრემენჩუგის მერის, ვიტალი მალეცკის თქმით, დარტყმა მოხდა "ძალიან ხალხმრავალ ადგილას, რომელიც 100% არ არის დაკავშირებული სამხედრო ოპერაციებთან".

"კრემენჩუკზე სარაკეტო თავდასხმა მოხვდა ძალიან ხალხმრავალ ადგილას, რომელიც 100%-ით არ არის დაკავშირებული სამხედრო ოპერაციებთან. არიან დაღუპულები და დაშავებულები. რაშისტები, ჯოჯოხეთში იწვით. ყველა შესაბამის სამსახურთან ერთად, ტრაგედიის ადგილზე ვარ", - განაცხადა მან. ფეისბუქის საკუთარ გვერდზე.

ადგილობრივი ტელეგრამის არხები წერენ კვამლის სვეტების შესახებ ქალაქზე და დაღუპულთა დიდ რაოდენობაზე.

ოკუპანტებმა რაკეტები ესროლეს სავაჭრო ცენტრს, რომელშიც ათასზე მეტი მშვიდობიანი მოქალაქე იმყოფებოდა. - განაცხადა უკრაინის პრეზიდენტმა ვოლოდიმირ ზელენსკიმ.

მისივე თქმით, რუსეთი აგრძელებს თავის სისასტიკეს რიგითი მოქალაქეების მიმართ.

"ოკუპანტებმა რაკეტები ესროლეს სავაჭრო ცენტრს, რომელშიც ათასზე მეტი მშვიდობიანი მოქალაქე იმყოფებოდა. სავაჭრო ცენტრი იწვის, მაშველები ცეცხლს ებრძვიან, მსხვერპლის რაოდენობა წარმოუდგენელია.
რუსეთის არმიას საფრთხე არ ემუქრებოდა. არანაირი სტრატეგიული ღირებულება ობიექტს არ აქვს. მხოლოდ ადამიანების მცდელობა, იცხოვრონ ნორმალური ცხოვრებით, რაც ასე აბრაზებს ოკუპანტებს.
რუსეთი აგრძელებს თავის სისასტიკეს რიგითი მოქალაქეების მიმართ. მისი მხრიდან ადეკვატურობისა და ჰუმანურობის იმედის ქონას აზრი არ აქვს". - ნათქვამია განცხადებაში.

ავტორი: ექსპრესნიუსი,

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა