გერმანიის კანცლერი, ოლაფ შოლცი აცხადებს, რომ რუსეთის თავდასხმები კიევში საცხოვრებელ შენობებზე აჩვენებს საერთაშორისო ერთიანობის მნიშვნელობას უკრაინის მხარდასაჭერად. იუწყება AP.

G7 სამიტის პირველი სესიის მასპინძლობის შემდეგ, სიტყვით გამოსვლისას შოლცმა ხაზი გაუსვა უკრაინის საკითხში G7-ის ერთიანობას.

"დანამდვილებით შეგვიძლია ვთქვათ, რომ პუტინი ამას არ ითვალისწინებდა და ეს მას მას თავის ტკივილს აყენებს - უკრაინის დიდი საერთაშორისო მხარდაჭერა, მაგრამ, რა თქმა უნდა,  ასევე უკრაინელების გამბედაობა და ვაჟკაცობა საკუთარი ქვეყნის დასაცავად.ის, რომ ეს არის სასტიკი ომი, რომელსაც პუტინი აწარმოებს, ჩვენ ახლა კიდევ ერთხელ დავინახეთ კიევში სახლებზე სარაკეტო თავდასხმებით - ეს ცხადყოფს, რომ სწორია, რომ ჩვენ ერთად ვდგავართ და მხარს ვუჭერთ უკრაინელებს დაიცვან თავიანთი ქვეყანა, თავიანთი დემოკრატია, საკუთარი  თავისუფლება,"- განაცხადა შოლცმა.

შოლცმა დასძინა, რომ ის და აშშ-ს პრეზიდენტი ჯო ბაიდენი ერთსულოვანნი არიან იმაზე, თუ რა უნდა გაკეთდეს ომის დასასრულებლად.

შოლცმა, რომელიც კრიტიკას განიცდიდა უკრაინაში მძიმე იარაღის გაგზავნის შეფერხების გამო, თქვა, რომ „გერმანია და აშშ ყოველთვის ერთად იმოქმედებენ, როდესაც საქმე ეხება უკრაინის უსაფრთხოების საკითხებს“. 

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა მოსკოვს პუტინის მონაწილეობით გამართული სამიტის დღეს შეუტიეს

დიდი ბრიტანეთი ევროკავშირთან თავისუფალი გადაადგილების შესაძლო აღდგენაზე საუბრობს

Anchorსოფლის მეურნეობის, კვების მრეწველობისა და ტექნოლოგიების უმსხვილესი საერთაშორისო გამოფენა თბილისში

მასწავლებლის ეროვნული პრემიის 2026 წლის ათი გამარჯვებული პედაგოგი გამოვლინდა