BBC-ის რუსული სამსახური წერს,  რომ რუს მოგზაურს ევროპაში მოსახვედრად რამდენიმე ტრანსფერით ფრენა სჭირდება, ამიტომ საზღვარგარეთ დასვენების ვარიანტების რაოდენობა საგრძნობლად შემცირდა. 

 BBC რუსეთის ტუროპერატორთა ასოციაციის (ATOR) მონაცემებზე დაყრდნობით იუწყება, რომ ომმა და სანქციებმა რუსეთის საჰაერო სივრცე დახურა. 2022 წლის ივნისის დასაწყისში ქვეყნიდან პირდაპირი რეისით მხოლოდ 19 ქვეყანაშია ფრენა შესაძლებელი. 2022 წლის თებერვალში, უკრაინაში შეჭრამდე, კოვიდ რეგულაციების ფონზე, ეს მაჩვენებელი თითქმის 50-ს აღწევდა.

უკვე მესამე წელია, რუსეთის ტურიზმის ინდუსტრია კრიზისულ რეჟიმში მუშაობს: პირველი ორი წლის განმავლობაში იგი განიცდიდა კორონავირუსის პანდემიას და მასთან დაკავშირებულ შეზღუდვებს, ხოლო 2022 წელს  რუსეთის მიერ უკრაინაში შეჭრით სიტუაცია რადიკალურად შეიცვალა.თებერვლის ბოლოდან დასავლეთის ქვეყნებმა ერთმანეთის მიყოლებით დაიწყეს საჰაერო სივრცის დახურვა რუსული ავიახაზებისთვის. დასავლურმა გადამზიდავებმაც შეწყვიტეს რუსეთში ფრენა.

ახლა რუს მოგზაურს ევროპაში მოსახვედრად რამდენიმე ტრანსფერით ფრენა სჭირდება. ერთ-ერთი ყველაზე პოპულარული სატრანსპორტო კვანძია სტამბოლი, სადაც რუსეთიდან მოხვედრა ჯერ კიდევ შესაძლებელია.სერბეთი არის ერთადერთი ქვეყანა ევროპაში, რომელთანაც რუსეთს პირდაპირი ფრენები აქვს. ევროკავშირის ქვეყნები უკმაყოფილონი არიან სერბეთის ხელისუფლების მიერ სანქციების შეერთებაზე გამოცხადებული უარით. მაისის ბოლოს ევროპარლამენტმა გამოთქვა უკმაყოფილება „ბელგრადსა და მოსკოვს შორის უწყვეტი ფრენების გამო“.ევროპის ქალაქებიდან ვილნიუსი მოულოდნელად სატრანსპორტო კვანძად გადაიქცა, მაგრამ რუსები იქ სახმელეთო საზღვრის გადაკვეთით ჩადიან.

თუმცა, ATOR- ის მონაცემებით თუ ვიმსჯელებთ, ტურისტები ძირითადად იმ ქვეყნებში მიფრინავენ, სადაც პირდაპირი ფრენა ჯერ კიდევ შესაძლებელია - ეს არის თურქეთი, ეგვიპტე და ე.წ. აფხაზეთის რესპუბლიკა. უკვე სამი თვეა, რაც ქვეყნის სამხრეთით მდებარე აეროპორტების უმეტესობა არ მუშაობს. 11 ივნისს რუსავიაციამ მე-18-ჯერ გაახანგრძლივა ფრენების აკრძალვა რუსეთის ცენტრალური ნაწილისა და სამხრეთის აეროპორტებში, ამჯერად 18 ივნისამდე.

.

ავტორი: ექსპრესნიუსი,

სოციალური ქსელები

კრიშტიანუ რონალდუმ ოფიციალურად დაასრულა სანაკრებო კარიერა

ევროპაში რამდენიმე საათში 16-მა თვითმფრინავმა ბომბის შესახებ შეტყობინება მიიღო

თიბისის ბიზნესნაკრები ინდივიდუალური მეწარმეებისთვის

ხაბეიშვილი ოცნებაზე -მკვლელობებში მათი პრემიერყოფილი ამხელს და ესენი ხმას როგორ იღებენ?! რიჟვაძეს ვინ ესროლა, ვინ კლავდა, ვინ დასაჯეს?