2022-06-11 17:41:18, 1626 ნახვა

---

არესტოვიჩი - ბოლო მონაცემებით, უკრაინაში რუსეთის ომის დაწყების დღიდან 10 000 უკრაინელი ჯარისკაცი დაიღუპა

ომში ყოველდღიურად 100-მდე უკრაინელი ჯარისკაცი იღუპება. - განაცხადა უკრაინის პრეზიდენტის ოფისის ხელმძღვანელის მრჩეველმა, ალექსეი არესტოვიჩმა.

მისივე თქმით,  ომში რუსი ჯარისკაცების დანაკარგი გაცილებით დიდია და ომში 30 000-ზე მეტი რუსი ჯარისკაცი დაიღუპა.

"3  ივნისის მონაცემებით, უკრაინაში რუსეთის ომის დაწყების დღიდან 10 000 უკრაინელი ჯარისკაცი დაიღუპა". - ნათქვამია განცხადებაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი