ბორჯომის თანამშრომლების პროტესტი გრძელდება -  400 გაფიცულ თანამშრომელს ქარხნის შესასვლელი პიკეტირებული აქვს, არ უშვებენ ავტომობილებს და არც სხვა თანამშრომლებს. 

ადგილზე მობილიზებულია შინაგან საქმეთა სამინისტროს თანამშრომლები,  რომლებმაც პიკეტის მოსახსნელად გაფიცულ მუშებს დრო მისცეს. 

"ჩვენი პროტესტის მიზეზი არის ის, რომ ჩვენი ხელშეკრულების შეცვლა უნდოდათ, რომელიც არ იყო ჩვენთვის მისაღები. გვაქვს თავისუფალი აზრის გამოხატვის უფლება, გვქონდა კომუნიკაცია ადმინისტრაციასთან, თუმცა ვერ შედგა მოლაპარაკება, რადგან ფიქრობენ, რომ მარტო მოაგვარებენ პრობლემას",- ამბობს გაფიცული თანამშრომელი.

შეგახსენებთ, რომ 29 აპრილს, კომპანია IDS ბორჯომმა ომისა და სანქციების გამო, წარმოება გაუგებარი დროით შეაჩერა, რის შემდეგაც ქარხნებში დასაქმებულ 1000 ადამიანს ახალი სახელფასო პირობები შესთავაზა - თანამშრომლებს ანაზღაურება გაუნახევრდათ და ზეგანაკვეთურ შრომაში ნაცვლად არსებული 140%-ისა, 125%-ს უნდა მიეღოთ. 

თუმცა, გაფიცული მუშები ამბობენ, რომ ორ თვეზე მეტია, რაც ანაზღაურება არ აუღიათ და მოითხოვენ მის ანაზღაურებას, ასევე უკანონოდ გათავისუფლებული 50 თანამშრომლის სამსახურში აღდგენას და ადამიანურ სამუშაო პირობებს.

ავტორი: ექსპრესნიუსი,

სოციალური ქსელები

საგარეჯოში თანასოფლელმა ქორწილში მიმავალი ორი ძმა მოკლა, მესამემ თავს გაქცევით უშველა

თბილისის მერია - ე.წ. ცხოველთა დამცველები დაკავებულები არიან დესტრუქციული ქმედებებით - მოვუწოდებთ შესაბამის ორგანოებს, შეისწავლონ საქმე და მისცენ მას სამართლებრივი რეაგირება

კრიშტიანუ რონალდუმ ოფიციალურად დაასრულა სანაკრებო კარიერა

ევროპაში რამდენიმე საათში 16-მა თვითმფრინავმა ბომბის შესახებ შეტყობინება მიიღო