მარიუპოლში რუსმა დამპყრობლებმა სახლების დანგრევა დემონტაჟის გარეშე დაიწყეს,- ამის შესახებ მარიუპოლის მერის მრჩეველმა პეტრ ანდრიუშჩენკომ განაცხადა.

ანდრიუშჩენკოს თქმით, რუსები დანგრეულ სახლებში მიცვალებულების ძებნაში დროის დაკარგვის გარეშე ანადგურებენ მტკიცებულებებს.

„გუშინ, ნანგრევებში დაღუპულთა ცხედრების შესახებ მონაცემების გამოქვეყნების შემდეგ, ოკუპანტებმა დაიწყეს სახლების პირდაპირი ნგრევა ნანგრევების დემონტაჟის გარეშე“, - განაცხადა მერის მრჩეველმა.

მისივე თქმით, ცხედრების შესახებ მონაცემების მოპოვება შეუძლებელია, ვინაიდან სახლების დანგრევის შემდეგ ყველაფერი ლევობერეჟნის რაიონის ნაგავსაყრელზე მიქონდათ.

„დაღუპულთა ახალი ცხედრების შესახებ მონაცემების მოპოვება შეუძლებელია იმის გამო, რომ დანგრევის შემდეგ ყველაფერი ლევობერეჟნის რაიონის ნაგავსაყრელზეა გადატანილი. თუ ცხედრები შენობებში რჩებოდა, ნაგავსაყრელთან ერთად იტვირთებოდა“, - განაცხადა ანდრიუშჩენკომ.

შეგახსენებთ, რომ მარიუპოლის მერის ვადიმ ბოიჩენკოს თქმით, რუსმა ოკუპანტებმა სეპარატისტებთან ერთად მთლიანად გაანადგურეს მარიუპოლში თითქმის 1300 მაღალსართულიანი შენობა, შესაბამისად დაღუპულთა რეალური რაოდენობა შეიძლება 22 000-ი იყოს.

ავტორი: ექსპრესნიუსი,

სოციალური ქსელები

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ

თეთრი სახლი: აშშ ირანის მხრიდან გარკვეულ პროგრესს აღნიშნავს

25 აპრილს, ილია II-ის გარდაცვალებიდან 40 დღე სრულდება - სიონის ტაძარში წირვას აღავლენენ

პოლიციამ ლაზარე გრიგორიადისი დააკავა