ისევ ერთად არიან და თითქოს ეს 36 წელი არ მომხდარა. შვედური კვარტეტი ABBA პირველად დაშლის შემდეგ გამოჩნდა შუქზე და იმღერა კიდეც მათი მთავარი ჰიტები, თუმცა ავატარების სახით.

ისინი შვედეთის სამეფო წყვილთან ერთად ლონდონის ოლიმპიურ პარკში ABBA Voyage-ის საკონცერტო რეზიდენციის გახსნას დაესწრნენ.

" როცა ჩემს ავატარს სცენაზე ვხედავ, თითქოს ყველაფერი ერთმანეთშია ჩაქსოვილი. ვგრძნობ, რომ სიცოცხლეს ვუსხამ ამ ბიჭს, რომელსაც ეკრანზე ვხედავთ. - ამბობს ბიორნ ულვეუსი ABBA-ს ყოფილი წევრი

ღონისძიება ემთხვევა ჯგუფის 40 წლის განმავლობაში პირველი ალბომის, Voyage-ს გამოშვებას. ჯგუფის გულშემატკივრები, რომლებიც, ისევე როგორც თავად კვარტეტის წევრები, უკვე 70 წელს გადაცილებულნი არიან, ასეთ ღონისძიებას ვერ გამოტოვებდნენ.

ABBA დუბლის დიზაინერებმა გულდასმით აღადგინეს მომღერლების მოძრაობები, რათა რაც შეიძლება მიუახლოვდნენ ორიგინალს, მათთვის კი ციფრული კოსტიუმები შექმნა იტალიური მოდის სახლმა Dolce & Gabbana-მ.

ავტორი: ექსპრესნიუსი,

სოციალური ქსელები

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს