საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ჟენევაში, სომხეთისა და ყაზახეთის ჯანდაცვის მინისტრებს შეხვდა. ამის შესახებ ინფორმაციას ჯანდაცვის სამინსტრო ავრცელებს.

სომეხ კოლეგასთან, ანაჰიტ ავანესიანთან ორმხრივ შეხვედრაზე, საუბარი შეეხო საქართველოსა და სომხეთის რესპუბლიკას შორის, ჯანდაცვის სფეროში მრავალწლიან თანამშრომლობას. ისაუბრეს გადამდები და არაგადამდები დაავადებების პრევენციის, დიაგნოსტიკისა და მართვის საკითხებზე. მხარეებმა ფარმაცევტული პროდუქტების ექსპორტ-იმპორტის, დისტრიბუციისა და რეალიზაციის სფეროში ერთმანეთს გამოცდილება გაუზიარეს. საუბარი შეეხო, ორ ქვეყანას შორის, სამედიცინო ტურიზმის განვითარების საკითხებსაც. 

ჯანდაცვის სფეროში არსებული თანამშრომლობა და სამომავლო გეგმები იქნა განხილული ყაზახ კოლეგასთან შეხვედრაზეც. გინიატ აჟარი საქართველოს ჯანდაცვის სფეროში მიმდინარე და განხორციელებული რეფორმებით დაინტერესდა. შეხვედრის ფარგლებში, მხარეებმა საქართველო-ყაზახეთს შორის პარტნიორული თანამშრომლობის განვითარების პერსპექტივებიც განიხილეს.
საქართველოს ჯანდაცვის მინისტრი ჟენევაში, მსოფლიო  ჯანდაცვის 75-ე ასამბლეაში იღებს მონაწილეობას. მინისტრთან ერთად იმყოფება პირველი მოადგილე თამარ გაბუნია და ჟენევაში გაერო-ს განყოფილებასთან და სხვა საერთაშორისო ორგანიზაციებთან საქართველოს მუდმივი წარმომადგენელი ალექსანდრე მაისურაძე.

ავტორი: NS (სტატია დაფინანსებულია),

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს