უკრაინელი სამხედროები ტოვებენ აზოვსტალს - Reuters-ის ფოტოები

Reuters წყაროზე დაყრდნობით წერს, რომ დაახლოებით 10-მა ავტობუსმა, რომლითაც გადაჰყავდა უკრაინელი სამხედროები, რომლებიც ჩაკეტილი იყვნენ უკრაინის სამხრეთ-აღმოსავლეთში, აზოვსტალის ქარხანა დატოვა. სურათებით თუ ვიმსჯელებთ, ჯარისკაცებს შორის არიან დაჭრილებიც.

უკრაინული ოფიციალური წყაროები აზოვსტალის გარშემო არსებულ ვითარებაზე ჯერჯერობით კომენტარს არ აკეთებენ. ორშაბათს რუსეთის თავდაცვის სამინისტრომ განაცხადა, რომ ბლოკირებულ უკრაინელ სამხედროებთან მოლაპარაკებების შემდეგ შესაძლებელი გახდა დაჭრილების გადაყვანაზე ქალაქ ნოვოაზოვსკის საავადმყოფოში თვითგამოცხადებული DPR-ის ტერიტორიაზე.

Reuters-ის ცნობით, ქარხნის ტერიტორიაზე 600-მდე უკრაინელი სამხედრო მოსამსახურე იმყოფებოდა.

მანამდე უკრაინული აზოვის პოლკის განცხადება, რომელსაც ეკუთვნის აზოვსტალის მრავალი დამცველი, ასევე გამოჩნდა Telegram-ში უმაღლესი სარდლობის გარკვეული ბრძანების შესრულების შესახებ. პოლკის წარმომადგენელმა განაცხადა, რომ ბრძანება ეხებოდა მებრძოლების სიცოცხლის გადარჩენას, მაგრამ პირდაპირ არ დაუკონკრეტებია, კონკრეტულად რისგან შედგებოდა იგი.

ამასთან, უკრაინული მედიის Telegram-ის არხებში გავრცელდა ინფორმაცია, რომ უკრაინის პრეზიდნეტი, ვოლოდიმირ ზელენსკი საგანგებო ბრიფინგს გამართავს. 

ცნობისთვის, დანგრეული მარიუპოლის "აზოვსტალის" ქარხნის ბრძოლები სიმბოლოა უკრაინის წინააღმდეგობის მთელი რუსეთის თითქმის სამთვიანი შემოჭრის განმავლობაში. მშვიდობიანი მოსახლეობის უმეტესობა, რომლებიც თავშესაფარს ეძებდნენ საბჭოთა პერიოდის უზარმაზარ ქარხანაში, ამ თვის დასაწყისში გამოიყვანეს. 

ავტორი: ექსპრესნიუსი,

სოციალური ქსელები

„საზოგადოება იწყებს დაღლას.“ პუტინის რეიტინგი საპენსიო რეფორმის შემდეგ მკვეთრად დაეცა.

საააპელაციო სასამართლომ საბა ჯიქიას გამამტყუნებელი განაჩენი ძალაში დატოვა

DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს

ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია