მარიუპოლს ფართომასშტაბიანი ეპიდემია ემუქრება, ამის შესახებ ინფორმაციას უკრაინის უმაღლესი რადას ადამიანის უფლებათა დამცველი ლუდმილა დენისოვა ავრცელებს.

მისი თქმით, არსებობს ათასობით ქალაქის მაცხოვრებლის სიკვდილის საფრთხე. ჩაკეტილ მარიუპოლში ინფექციური კატასტროფა შეიძლება წყლის ნაკლებობამ, დაზიანებულმა საკანალიზაციო სისტემებმა და სახლების ნანგრევებში მყოფი გვამების დიდმა რაოდენობამ გამოიწვიოს.

„მარიუპოლში ყველაზე დიდი პრობლემა სუფთა სასმელი წყალია, რომელიც ქალაქში არ არის. გარდა ამისა, კრიტიკული მდგომარეობაა დრენაჟით და კანალიზაციის ქსელების რღვევით. არსებობს საფრთხე, რომ კანალიზაცია ზღვაში და წყალზე მოხვდება“, - განაცხადა დენისოვამ.

გარდა ამისა, დენისოვას თქმით, ეპიდემიას ხელი ასევე შესაძლოა დანგრეული სახლების ქვეშ მყოფი სხეულების რაოდენობამაც შეუწყოს, თბილ პერიოდში დაშლის ბუნებრივი შედეგებით.

„ჰუმანიტარული დერეფნების დაკეტვის გამო, ბევრმა ადამიანმა, რომლებიც ევაკუაციას ელოდნენ ქალაქის მიდამოებში, დაიწყო მარიუპოლში საცხოვრებლად დაბრუნება“, - განაცხადა ადამიანის უფლებათა დამცველმა.

ამასთან ერთად, კატასტროფული ვითარება შეიძლება შეიქმნას მარიუპოლში რუსული ჯარების ბლოკადისა და მუდმივი დაბომბვის გამო. წინასწარი მონაცემებით, წლის ბოლომდე შესაძლოა 10 000 მშვიდობიანი მოქალაქე დაიღუპოს.

ავტორი: ექსპრესნიუსი,

სოციალური ქსელები

DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს

ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია

სასამართლომ ირაკლი კობახიძის წინააღმდეგ მზია ამაღლობელის სარჩელზე საქმის წარმოება შეწყვიტა

პენიტენციური: რატიანის კომუნიკაცია სხვა მსჯავრდებულებთან შესაძლოა, გარკვეულ რისკს შეიცავდეს