რუსეთის საგარეო საქმეთა სამინისტრო პოლონეთის ელჩ კშიშტოფ კრაევსკისგან რუსეთის დიპლომატიური მისიის ხელმძღვანელზე თავდასხმის გამო ბოდიშის მოხდას ითხოვს. ამის შესახებ ინფრომაციას რუსეთის დიპლომატიური სამსახური თავის ვებგვერდზე აქვეყნებს.

მოსკოვი ამ ინციდენტს ვენის კონვენციის უხეში დარღვევად მიიჩნევს. საგარეო საქმეთა სამინისტრომ ხაზგასმით აღნიშნა, რომ პოლონეთმა არ შეასრულა ერთ-ერთი მთავარი ვალდებულება - არ უზრუნველყო რუსი დიპლომატების იმუნიტეტი.

„კრაევსკის უთხრეს, რომ რუსული მხარე ელოდა პოლონეთის ხელმძღვანელობის ოფიციალურ ბოდიშს მომხდართან დაკავშირებით და მოითხოვა რუსეთის ელჩისა და პოლონეთში რუსეთის საგარეო მისიების ყველა თანამშრომლის უსაფრთხოების უზრუნველყოფა“, - აღნიშნულია განცხადებაში.

გარდა ამისა, სამინისტროს ცნობით, რუსეთის შემდეგი ნაბიჯები დამოკიდებული იქნება ვარშავის რეაქციაზე ამ მოთხოვნაზე.

შეგახსენებთ, რომ 9 მაისს რუსეთის ელჩი სერგეი ანდრეევი მივიდა ვარშავაში, რათს საბჭოთა ჯარისკაცების მემორიალი ყვავილებით შეემკო. სასაფლაოზე ანდრეევი აგრესიულმა პოლონელებმა და უკრაინელებმა „დაბლოკეს“, რომლებიც შეურაცხმყოფელ ლოზუნგებს ყვიროდნენ, შემდეგ კი წითელი საღებავი შეასხეს.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიცო: რუსეთთან ომში სამშვიდობო შეთანხმების მიღწევა უკრაინული მხარის თანხმობის გარეშე შეუძლებელია

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა