როცა უკრაინის ევროკავშირში გაწევრიანების საკითხზე მსჯელობას დაიწყებენ, უნგრეთი მხარს დაუჭერს მას,- ამის შესახებ უნგრეთის ელჩმა უკრაინაში იშტვან იჯარტომ ტელეკომპანია Espresso-თან ინტერვიუში განაცხადა.

მისი თქმით, ბუდაპეშტი აგრძელებს უკრაინის მხარდაჭერას რუსული აგრესიის ფონზე და უკრაინელი სამხედროების მკურნალობაში დაეხმარება.

„მე ასევე ვთავაზობ მომავალზე ვიფიქროთ. უკრაინას ახლა უჭირს საქონლის ექსპორტის ტრანსპორტირება, რადგან, მოგეხსენებათ, ოკუპაციის გამო ბევრი საზღვაო პორტი მიუწვდომელია. ამიტომ, ჩვენ მზად ვართ დავეხმაროთ უკრაინას სახმელეთო ტრანსპორტის გამოყენებაში. ჩემი აზრით, ჯერ კიდევ ბევრი სამუშაოა წინ და ჩვენ სრულად მზად ვართ თანამშრომლობისთვის", - განაცხადა დიპლომატმა.

გარდა ამისა, უნგრეთის ელჩის განცხადებით უკრაინისთვის ეს სასიცოცხლო მნიშვნელობის საკითხებია. „ახლა სრულად ვართ ორიენტირებული, ამ ბრძოლაში უკრაინის მხარდაჭერაზე“, - დასძინა ელჩმა.

შეგახსენებთ, რომ უნგრეთი მხარს არ უჭერს უკრაინის თავზე ცის დახურვას, უარს ამბობს ტერიტორიის მიცემაზე უკრაინაში სამხედრო დახმარების გადაცემისთვის და ეწინააღმდეგება რუსეთის წინააღმდეგ ნავთობის ემბარგოს.

ავტორი: ექსპრესნიუსი,

სოციალური ქსელები

კობახიძე - ვინც აღიარებს და მოინანიებს, ყველას მიმართ ამოქმედდება შესაბამისი ზომები, ყველა დატოვებს სასჯელაღსრულების დაწესებულებას

კობახიძე - ევროპული ბიუროკრატია არის ის ძალა, რომელიც მხარს უჭერდა მოლოტოვის კოქტეილს

კობახიძე - პირდაპირი, უხეში პოლიტიკური თავდასხმები ხორციელდება კონსტიტუციურ მართლმსაჯულებაზე, ამაზე დუმს ევროპული ბიუროკრატია

კალაძის მოადგილე ამტკიცებს, რომ რუსთაველის გამზირის რეაბილიტაცია არა ოქტომბერში არამედ ნოემბერში უნდა დასრულებულიყო