ოკუპანტებთან  ბრძოლას უკრაინის ერთ-ერთი საუკეთესო პილოტის იგორ ბეძაის სიცოცხლე ემსხვერპლა. აღნიშნულის შესახებ ინფორმაციას უკრაინული მედია ავრცელებს.

გამოცემის ცნობით, 2022 წლის 7 მაისს რუს ოკუპანტებთან ბრძოლაში უკრაინის ერთ-ერთი საუკეთესო მფრინავი, საზღვაო ძალების მე-10 საავიაციო ბრიგადის ყოფილი მეთაური, პოლკოვნიკი იგორ ბეძაი დაიღუპა.

Return Alive Foundation-ის დირექტორის ტარას ჩმუტის თქმით, მფრინავი რუსული გამანადგურებელი რაკეტიდან Mi-14 საზღვაო შვეულმფრენის ეკიპაჟის შემადგენლობაში საბრძოლო დავალების შესრულებისას დაიღუპა. „ის გარდაიცვალა ცაში, რომელიც უყვარდა და იცავდა", - წერს ჩმუტი.

გარდა ამისა, როგორც ტარას ჩმუტი აღნიშნავს, იგორ ბეძაის ხელმძღვანელობის წყალობით მათ საზღვაო ავიაციის შენარჩუნება შეძლეს.

შეგახსენებთ, რომ 2014 წელს, ყირიმის ოკუპაციის შემდეგ, მე-10 საზღვაო საავიაციო ბრიგადა გახდა შეიარაღებული ძალების ერთადერთი ქვედანაყოფი, რომელმაც მოახერხა ანექსირებული ნახევარკუნძულიდან სამხედრო ტექნიკის გაყვანა. ოპერაცია ბეძაის ხელმძღვანელობით ჩატარდა.

ავტორი: ექსპრესნიუსი,

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა