რუსეთის საგარეო საქმეთა მინისტრის მიერ გაკეთებული განცხადების შემდეგ, ისრაელის საგარეო საქმეთა სამინისტრომ რუსეთის ელჩი ახსნა-განმარტებით საუბარზე დაიბარა. მინისტრმა იაირ ლაპიდმა აღნიშნა, რომ ლავროვის ეს სიტყვები "უპატიებელი, აღმაშფოთებელი და უხეში ისტორიული შეცდომა" იყო.

მინისტრის თქმით, ისრაელი ლავროვისგან ბოდიშს ელოდება და რუსეთის ელჩს საგარეო საქმეთა სამინისტროში იბარებს.

„ლავროვის შენიშვნები არის აღმაშფოთებელი და მიუტევებელი განცხადება, ასევე საშინელი ისტორიული მცდარი წარმოდგენა. ებრაელებს თავი არ მოუკვლათ ჰოლოკოსტის დროს. ებრაელთა წინააღმდეგ რასიზმის ყველაზე დაბალი დონე არის თავად ებრაელების დადანაშაულება ანტისემიტიზმში,“ -  წერს ლაპიდი Twitter-ზე.

გარდა ამისა, სერგეი ლავროვის სიტყვები ისრაელის სხვა პოლიტიკოსებმა და საზოგადოებრივმა ორგანიზაციებმა დაგმეს, მათ შორის იად ვაშემის ჰოლოკოსტის მემორიალის თავმჯდომარემ დანი დაიანმა, რომელმაც აღნიშნა, რომ ლავროვი „მსხვერპლს კრიმინალად აქცევს, სრულიად ცრუ მტკიცებით, რომ ჰიტლერი წარმოშობით ებრაელი იყო“.

ცნობისთვის, რუსეთის საგარეო საქმეთა მინისტრმა სერგეი ლავროვმა იტალიურ ტელეკომპანია Mediaset-ის ინტერვიუს დროს, შეკითვაზე თუ როგორ შეესაბამება უკრაინის „ნაციფიკაციის“ ბრალდებები იმ ფაქტს, რომ პრეზიდენტი ვოლოდიმერ ზელენსკი ებრაელია პასუხობს, რომ "ყველაზე თავგამოდებული ანტისემიტები, როგორც წესი, ებრაელები არიან". 

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად