აშშ-ის პირველი ლედი ჯილ ბაიდენი ამ კვირაში რუმინეთსა და სლოვაკეთში გაემგზავრება, რათა უკრაინელი ლტოლვილები მოინახულოს. ამის შესახებ ინფორმაციას CNN ავრცელებს.

როგორც გამოცემა წერს, მას სურს მხარი დაუჭიროს დევნილ უკრაინელ ოჯახებს, რომლებიც იძულებულნი არიან გაქცეულიყვნენ სისხლისღვრასა და ძალადობას, უკრაინაში რუსეთის შემოჭრის შემდეგ.

თეთრი სახლის ცნობით, ჯო ბაიდენი ხუთშაბათს ვაშინგტონიდან გაფრენას გეგმავს , ხოლო ჯილ ბაიდენი, დედის დღეს (8 მაისს) სლოვაკეთში ქალაქ კოშიცეში და სოფელ ვიშნე ნემეცკოეში უკრაინელ დედ-ბავშვებთან ერთად გაატარებს.

გარდა ამისა, აშშ-ის კონგრესის დაზვერვის კომიტეტის თავმჯდომარემ ადამ შიფმა კიევში ვიზიტის დროს განაცხადა , რომ აშშ-ის პრეზიდენტის ჯო ბაიდენის ვიზიტი უკრაინაში მხოლოდ დროის საკითხია. ამასთან, მან აღნიშნა, რომ კონგრესმენების მიმდინარე ვიზიტის დროს ბაიდენის ვიზიტის თემა არ განხილულა.

მანამდე ცნობილი გახდა, რომ ამერიკელი დიპლომატები უკრაინაში დაბრუნდნენ . ისინი რეგულარულად გაემგზავრებიან ლვოვში.

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად