ფინეთის პრეზიდენტი საული ნიინისტე თვლის, რომ მისი ქვეყნის ნატო-ში მომავალმა გაწევრიანებამ შეიძლება რუსეთის საზღვრის გამაგრება და ახალი ბაზები შექმნა გამოიწვიოს. ამის შესახებ მან Ilta-Sanomat- თან ინტერვიუში საუბრისას განაცხადა. 

მისი თქმით, ახლა აღმოსავლეთ საზღვართან, დაახლოებით 1 000 კილომეტრამდე ტერიტორია ვაკუუმშია, ვინაიდან ადგილზე არ არიან რუსი სამხედროები.

ფინეთის პრეზიდენტმა ასევე დასძინა, რომ ასევე შესაძლოა რუსეთმა სამხედროების ყოფნა ბალტიის ზღვაშიც გაძლიეროს. 

"ეს ნამდვილად ნიშნავს, რომ როცა აღმოსავლეთ საზღვართან არის ვაკუუმი დაახლოებით 1000 კილომეტრზე, სადაც სამხედროები არ არიან წარმოდგენილი, ჩვენ ნამდვილად ვიხილავთ რუსეთის შესაძლო გადაჯგუფებებს ან ახალი ბაზების შექმნას და ჯარისკაცებსა და შეიარაღებას ამ არეალში. ეს საკმაოდ მკაფიოა.

რაც შეეხება ბალტიის ზღვას, უნდა გვახსოვდეს რომ კალინინგრადი რუსეთის აზროვნებაში ერთ-ერთი მთავარია და ბალტიის ზღვაში მათი  წარმომადგენლობა გაძლიერდება." - განაცხადა ნიინისტემ. 

ცნობისთვის, ფინეთი და შვედეთი  ნატო-ში გაწევრიანების შესახებ პასუხს მაისის ბოლოს ელოდებიან. 

​რუსეთის საგარეო საქმეთა სამინისტროს სპიკერმა მარია ზაჰაროვამ განაცხადა, რომ მათ გაწევრიანებას „მნიშვნელოვანი სამხედრო-პოლიტიკური შედეგები მოჰყვება“.

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად