რუსეთმა ბრიტანეთის პარლამენტის 287 წევრს სანქციები ქვეყანაში შესვლის აკრძალვის სახით დაუწესა,- ამის შესახებ ინფორმაციას რუსეთის საგარეო საქმეთა სამინისტრო ავრცელებს.

სამინისტროს ცნობით, აღნიშნულ პირებმს, რომლებსაც ახლა ეკრძალებათ რუსეთის ფედერაციაში შესვლა, ყველაზე აქტიური მონაწილეობა მიიღეს ლონდონში ანტირუსული სანქციების ინსტრუმენტების ჩამოყალიბებაში, რაც ხელს უწყობდა დიდ ბრიტანეთში რუსოფობიური ისტერიის უსაფუძვლო გაღვივებას.

„ბრიტანელი პარლამენტარების პირიდან წამოსული მტრული რიტორიკა და შორსმჭვრეტელი ბრალდებები არა მხოლოდ ამართლებს ლონდონის მტრულ კურსს, რომელიც მიზნად ისახავს ჩვენი ქვეყნის დემონიზაციას და მის საერთაშორისო იზოლაციას, არამედ ასევე გამოიყენება რუსეთთან ურთიერთპატივისცემის მქონე დიალოგის ოპონენტების მიერ, რათა ძირი გამოუთხაროს ორმხრივი თანამშრომლობის საფუძველს,“- აღნიშნულია სამინისტროს განცხადებაში.

რუსეთის საგარეო საქმეთა სამინისტრომ ბორის ჯონსონთან ერთად, ქვეყანაში შესვლა საგარეო საქმეთა მინისტრს-ლიზ ტრასს, თავდაცვის მდივანს-ბენ უოლასსა და მთავრობის კიდევ 10 წევრს აუკრძალა.

რუსეთის აღნიშნული ქმედება გახლავთ პასუხი, 11 მარტს გაერთიანებულო სამეფოს მთავრობის მიერ მიღებულ გადაწყვეტილებაზე

შეგახსენებთ, რომ 11 მარტს ბრიტანეთის საგარეო საქმეთა სამინისტრომ დონეცკისა და ლუგანსკის სახალხო რესპუბლიკების ცნობის გამო სახელმწიფო დუმის 386 დეპუტატს სანქციები დაუწესა. პოლიტიკოსებს ბრიტანეთში შესვლა აეკრძალათ, საბანკო ანგარიშების აღმოჩენის შემთხვევაში კი ის გაეყინებათ. შესაბამისად ვერ შეძლებენ დიდ ბრიტანეთში ბიზნესის წარმოებას.

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად