რუსეთის პრეზიდენტი ვლადიმერ პუტინი იმედოვნებს, რომ რუსეთის ფედერაცია და შეერთებული შტატები „პირდაპირ დიალოგს“ განაახლებს.  ამის შესახებ რუსული საინფორმაციო სააგენტო RBC იტყობინება. 

გამოცემის ცნობით, ოკუპანტი ქვეყნის ლიდერმა გამოთქვა სურვილი, რომ მომავალ კვირას, აშშ-ს პრეზიდენტ ჯო ბაიდენს ჟენევაში შეხვდება. იგი ასევე მოელის, რომ „შექმნას მექანიზმები“ ურთიერთქმედების სხვადასხვა მიმართულებით, მათ შორისაა სტრატეგიული სტაბილურობა, რეგიონული კონფლიქტების მოგვარება, გლობალური ეკოლოგია, ასევე ეკონომიკური თანამშრომლობა.

„[მოგვიწევს] აღვადგინოთ ჩვენი პირადი კონტაქტები, ურთიერთობები, დავამყაროთ პირდაპირი დიალოგი, შევქმნათ რეალურად მოქმედი მექანიზმები იმ სფეროებში, რომლებიც წარმოადგენს ორმხრივ ინტერესებს – ასეთი არსებობს, ამაზე უკვე ვისაუბრე“, - განაცხადა პუტინმა.

შეგახსენებთ, რომ 13 აპრილს, პუტინსა და ბაიდენს ჰქონდათ სატელეფონო საუბარი, რომლის დროსაც აშშ-ს პრეზიდენტმა შესთავაზა პირადად შეხვედროდნენ, რასაც რუსული მხარე დათანხმდა. შედეგად, სახელმწიფოს მეთაურთა შეხვედრის ადგილად ჟენევა აირჩიეს. სამიტი 16 ივნისს არის დაგეგმილი.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ