რუსეთის პრეზიდენტის ვლადიმერ პუტინის პრესმდივანმა, დიმიტრი პესკოვმა განაცხადა, რომ მოსკოვმა კიევს სამშვიდობო დოკუმენტის პროექტი "მკაფიო ფორმულირებით" გადასცა. ამის შესახებ გამოცემა "რია ნოვოსტი" იტყობინება .

"მოლაპარაკების პროცესის ფარგლებში უკრაინულ მხარეს გადაეცა დოკუმენტის პროექტი მკაფიო ფორმულირებით. ბურთი კიევის მხარესაა, მოსკოვი ელოდება რეაქციას", - განაცხადა პესკოვმა.

მისი თქმით, უკრაინა, სავარაუდოდ, არ ჩქარობს რეაგირებას.

"მათი მუშაობა შორს არის საუკეთესოსგან, ისინი არ ცდილობენ პროცესის გააქტიურებას", - დასძინა პესკოვმა. 

მანამდე პრეზიდენტის აპარატის უფროსის მრჩეველმა, უკრაინული მოლაპარაკებების ჯგუფის წევრმა, მიხაილ პოდოლიაკმა განაცხადა, რომ  რუსეთთან მოლაპარაკებები ფაქტობრივად გაყინულია . მან ვერ იწინასწარმეტყველა, როდის გაიმართება პირდაპირი მოლაპარაკებების შემდეგი რაუნდი.

ავტორი: ექსპრესნიუსი,

სოციალური ქსელები

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა

არაბთა გაერთიანებულ საამიროებში საჰაერო მიმოსვლაზე დაწესებული ყველა შეზღუდვა მოხსნეს

ზელენსკი: გუშინ ბელარუსის მხრიდან საზღვარზე საკმაოდ უჩვეულო აქტივობა შეინიშნებოდა, საჭიროების შემთხვევაში, რეაგირებას მოვახდენთ