2008 წელს  შეცდომა დავუშვით და ვფიქრობდით, რომ ეს ომი მიხეილ სააკაშვილის გამო ხდებოდა, - ამის შესახებ აშშ-ს ყოფილმა მაღალჩინოსანმა ფიონა ჰილმა, ანალიტიკურ გადაცემასთან ვრცელ ინტერვიუში განაცხადა.

„საქართველოსთან მიმართებით ბევრი შეცდომა დავუშვით, რადგან შეფასების დიდი ნაწილი იყო, რომ ეს მიხეილ სააკაშვილის გამო ხდებოდა, ის ყველას აღიზიანებდა. არსებობდა შეგრძნება, რომ ეს რაღაც პირადი (დაპირისპირება) იყო, მიუხედავად იმისა, რომ ცხადი იყო, რომ ეს ასე არ ყოფილა და ეს უფრო ფართო საკითხი იყო“ , - აღნიშნა ჰილმა.

გარდა ამისა კითხვაზე, „იყო თუ არა პუტინის რეჟიმის პერიოდში რაიმე წერტილი, როდესაც შეგვეძლო, თავიდან აგვერიდებინა ვითარების ასე განვითარება და იყო თუ არა მომენტი, როდესაც შეცდომა დავუშვით, რამაც, ასე ვთქვათ, მოიტანა ის, რაც შემდეგ მოხდა“ ჰილმა უპასუხა, „გაერთიანებულ სამეფოს უფრო ძლიერი პასუხი, რომ გაეცა ლიტვინენკოს საქმეზე, - როდესაც ის პოლონიუმით მოწამლეს, - და რუსეთთან ურთიერთობა ჩვეულებრივად არ გაეგრძელებინა“ , - დასძინა ფიონა ჰილმა.

შეგახსენებთ, რომ რუსეთი საქართველოში 2008 წლის აგვისტოში შემოიჭრა, რის შემდეგაც აფხაზეთი და სამხრეთ ოსეთი დამოუკიდებელ სახელმწიფოებად აღიარა.  2014 წელს, რუსეთმა ყირიმის ნახევარკუნძულის ანექსია მოახდინა, ხოლო 2022 წლის 24 თებერვალს კი უკრაინაში სრულმასშტაბიანი ომი წამოიწყო.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ