რუსეთის ფედერაციის უშიშროების საბჭოს თავმჯდომარის მოადგილე, დიმიტრი მედვედევი უკრაინაში მებრძოლ უცხოელებს ემუქრება და აცხადებს, რომ "მათ მოუწევთ სრული პასუხისმგებლობის აღება თავიანთ ქმედებებზე, რა თქმა უნდა, თუ გადარჩებიან". 

როგორც მედვედევი სოციალურ ქსელში წერს, მას არ სჯერა სხვა სახელმწიფოების მოქალაქეების სურვილის, დაეხმარონ უკრაინას ომში და ისინი „გატეხილი ფსიქიკის მქონე პროფესიონალი მკვლელები“ არიან. 

"უცხოელ მებრძოლებზე ჟენევის კონვენცია არ ვრცელდება. თავიანთ მეთაურებთან ერთად ბანდერელებიდან, პირველ რიგში, დენაციფიკაციას ექვემდებარებიან. მათ მოუწევთ სრული პასუხისმგებლობის აღება თავიანთ ქმედებებზე, რა თქმა უნდა, თუ გადარჩებიან,"- წერს მედვედევი. 

მან ასევე გამოთქვა სპეკულირება უცხოური დაქირავებულობის სახიფათო, მისი აზრით, ბუნების შესახებ. მედვედევი წერს, რომ ისტორიამ ბევრი მაგალითი იცის იმისა, თუ როგორ დაკარგეს ქვეყნებმა დამოუკიდებლობა ასეთი უცხოელების გამო, „ბოლოს და ბოლოს, უცხოელები იარაღით ხელში ადვილად აყენებენ ტახტზე ნებისმიერ ხელმწიფეს“.

ავტორი: ექსპრესნიუსი,

სოციალური ქსელები

კობახიძემ თქვა, რომ რუბიოსთან დახურულ თემეზე ისაუბრა

მიხეილ სააკაშვილი: სპონტანური საპროტესტო აქციები რეჟიმისთვის ყველაზე დიდ საფრთხეს წარმოადგენდა

ენმ-ის თავმჯდომარე: ოპოზიციურ ალიანსში გაწევრიანების გადაწყვეტილება სააკაშვილის ინიციატივით იქნა მიღებული

კობახიძე - მდინარაძეს ექნება გამორჩეული როლი სახელმწიფოებრივი გადაწყვეტილების მიღების პროცესში