თავდაცვის სამინისტროს განცხადებით, სენაკის სამხედრო ბაზაზე 21 წლის ჯარისკაცმა თვითმკვლელობა თავისივე იარაღით ჩაიდინა

2022-04-18 12:05:20, 1217 ნახვა

სამართალი

თავდაცვის სამინისტრო სენაკის ბაზაზე გარდაცვლილი 21 წლის ჯარისკაცის ამბავს ეხმაურება და განცხადებას ავრცელებს.

უწყების ცნობით, ჯონი ახალაიამ თავისივე ავტომატური ცეცხლსასროლი იარაღით ჩაიდინა თვითმკვლელობა, რომელიც ასევე დააფიქსირა შემთხვევის ადგილზე არსებულმა ვიდეოსამეთვალყურეო კამერამ.

"სენაკის მე-2 ქვეითი ბრიგადის ტერიტორიაზე, პირველი კლასის რიგითმა, ჯონი ჯაბას ძე ახალაიამ თავისივე ავტომატური ცეცხლსასროლი იარაღით ჩაიდინა თვითმკვლელობა, რომელიც ასევე დააფიქსირა შემთხვევის ადგილზე არსებულმა ვიდეოსამეთვალყურეო კამერამ. ასევე კამერის ჩანაწერებით დგინდება, რომ ტრაგიკული ინციდენტის დროს ადგილზე იმყოფებოდა მხოლოდ აღნიშნული პიროვნება. თავდაცვის სამინისტრო მწუხარებას გამოთქვამს აღნიშნული ტრაგიკული ინციდენტის გამო და უსამძიმრებს გარდაცვლილი სამხედრო მოსამსახურის ოჯახს",- წერია უწყების გაცხადებაში.

შინაგან საქმეთა სამინისტრომ, ფაქტზე გამოძიება საქართველოს სსკ 115-ე მუხლით დაიწყო.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,