|
2022-04-02 11:16:18, 1079 ნახვა
სამხედრო
რუსმა ოკუპანტებმა ღამით დნეპრი და პოლტავა დაბომბეს
პოლტავას ოლქის ადმინისტრაციის ხელმძღვანელმა დიმიტრი ლუნინმა გაავრცელა ინფორმაცია, პოლტავასა და რეგიონის მეორე ქალაქ კრემენჩუგზე სარაკეტო თავდასხმებზე. გარდა ამისა, რუსმა ოკუპანტებმა დაბომბეს დნეპრი. პოლტავას ოლქის ადმინისტრაციის ხელმძღვანელმა, ლუნინმა დილის ტელევიზიით განაცხადა, რომ თავდასხმა ორ „ინფრასტრუქტურულ ობიექტზე“ პოლტავაში განხორციელდა დაახლოებით დილის 2:00 საათზე სულ მცირე ოთხი რაკეტით. დილით, ლუნინის თქმით, წინასწარი მონაცემებით, სამი რუსული თვითმფრინავი თავს დაესხა კრემენჩუგის სამრეწველო საწარმოებს. დარტყმის შედეგად გაჩნდა ხანძარი, რომელიც ამ დროისთვის ლოკალიზებულია. მსხვერპლთა და დაშავებულთა შესახებ ინფორმაცია დაუდგენელი რჩება. ამ ღამით დნეპერზე სარაკეტო შეტევაც განხორციელდა, ამის შესახებ შაბათს დილით დნეპროპეტროვსკის რეგიონალური სამხედრო ადმინისტრაციის ხელმძღვანელმა ვალენტინ რეზნიჩენკომ განაცხადა. რეზნიჩენკოს თქმით, დნეპერში რაკეტები მოხვდა გარკვეულ „ინფრასტრუქტურულ ობიექტს“, დაშავდა ორი ადამიანი. გარდა ამისა, როგორც ადმინისტრაციის უფროსი წერს, დარტყმა მიაყენეს კრივოი როგს და ის ბენზინგასამართ სადგურს მოხვდა. ხანძარი უკვე ლიკვიდირებულია. რეზნიჩენკო ასევე აცხადებს, რომ უკრაინელმა საზენიტო მსროლელებმა ღამით ჩამოაგდეს ოთხი საკრუიზო რაკეტა და ერთი მტრის დრონი.
|
რედაქტორის რჩევით
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
რეჟიმის წარმომადგენლები ხოშტარიას შვილებს ესხმიან თავს
ომი უკრაინაში
აზოვის ზღვაში უკრაინელებმა ხორბლის გადამზიდავი ჩაიძირეს
რუსეთის მიერ ოდესის დაბომბვის შედეგად დაიჭრა 11 ადამიანი, მათ შორის ერთი ბავშვი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)