შუახევის მერმა მოადგილეებთან ერთად, მერიის სამსახურის უფროსებთან, ორგანიზაციების ხელმძღვანელებთან და თემის რწმუნებულებთან სამუშაო თათბირი გამართა

2022-03-30 16:25:17, 1226 ნახვა

რეგიონი

შუახევის მერმა ომარ ტაკიძემ, მოადგილეებთან ერთად, მერიის სამსახურის უფროსებთან, ორგანიზაციების ხელმძღვანელებთან და თემის რწმუნებულებთან სამუშაო თათბირი გამართა.

შეხვედრაზე, მიმდინარე საკითხებთან ერთად სამომავლო გეგმებსა და ინიციატივებზე ისაუბრეს, განიხილეს მოსახლეობისთვის აქტუალური საკითხები.

წარმატებით ხორციელდება, საქართველოს პრემიერ მინისტრის ინიციატივით სოციალური შემწეობის მიმღებ შრომისუნარიან პირებზე ორიენტირებული დასაქმების პროგრამა.

მერის ინიციატივით გრძელდება უკრაინელი ხალხისთვის ჰუმანიტარული დახმარების შეგროვების პროცესი.

4 აპრილიდან , ,,სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, მოსახლეობასთან შეხვედრები იწყება.

მერიის ორგანიზებითა და მოსახლეობის აქტიური ჩართულობით მუნიციპალიტეტის 54 სოფელში მცირე ინფრასტრუქტურული პროექტების განხორციელების მიზნით 628 000 ლარია გათვალისწინებული.

სამუშაო თათბირზე იმსჯელეს დღის წესრიგით გათვალისწინებულ სხვა მნიშვნელოვან საკითხებზე.