2022-03-26 10:54:49, 855 ნახვა

---

ოლაფ შოლცი - გერმანიამ შესაძლოა უარი თქვას რუსულ გაზზე და ეს იმაზე სწრაფად მოხდება, ვიდრე ბევრი მოელის

გერმანიის კანცლერის, ოლაფ შოლცის განცხადებით, ქვეყანამ შესაძლოა უარი თქვას რუსულ გაზზე დამოკიდებულებაზე და ეს შესაძლოა იმაზე სწრაფად მოხდეს, ვიდრე წარმოუდგენიათ.

„ჩვენ გავხდებით დამოუკიდებლები რუსული გაზისგან უფრო სწრაფად, ვიდრე ბევრი მოელოდა. გერმანია ნაკლებად არის დამოკიდებული  რუსეთის მიწოდებაზე, ვიდრე სხვა ქვეყნები“, - განაცხადა ოლაფ შოლცმა ბრიფინგზე.

კანცლერმა ასევე ხაზგასმით აღნიშნა, რომ ევროკავშირის ქვეყნების მიერ რუსული გაზისგან დამოუკიდებლობის მოპოვების პროცესი უკვე შეუქცევადი გახდა.

შეგახსენებთ, რომ ცოტა ხნის წინ გახდა ცნობილი, რომ გერმანიის ეკონომიკის სამინისტრო მიმდინარე წლის ბოლომდე რუსულ გაზზე დამოკიდებულების 30%-მდე შემცირებას გეგმავს. ამავდროულად, სურთ რუსეთიდან ნავთობის იმპორტის განახევრება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი