უკრაინის პრეზიდენტის აპარატის მრჩეველი - რუსეთს სურს, ომი „გაჭიანურებულ ფაზაში“ გადაიყვანოს

2022-03-24 16:43:58, 675 ნახვა

მსოფლიო

რუსეთს სურს, პერსონალისა და აღჭურვილობის ძალიან დიდი დანაკარგებისა და ყველა მიმართულებით მნიშვნელოვანი პროგრესის არარსებობის გამო, ომი „გაჭიანურებულ ფაზაში“ გადაიყვანოს, - ამის შესახებ უკრაინის პრეზიდენტის აპარატის ხელმძღვანელის მრჩეველმა, მიხაილო პოდოლიაკმა განაცხადა.

როგორც პოდოლიაკმა აღნიშნა, არ შეიძლება, რომ ეს ყველაფერი ხალხისთვის დამალული იყოს, სწორედ ამიტომ რუსეთს სურს გააგრძელოს სხვა ტაქტიკის გაოყენება დანაკარგების რაოდენობის შესამცირებლად.

მან რუსეთის ტაქტიკას „სრულიად კანიბალისტური“ უწოდა და დასძინა, რომ მათ აქვთ მკაფიო სამართლებრივი განმარტებები საერთაშორისო სამართალში ომის და კაცობრიობის წინაშე ჩადენილ დანაშაულებზედ.

ცნობისთვის, რუსეთის თავდაცვის სამინისტროს უკრაინაში რუსული დანაკარგების შესახებ 18 დღეა მონაცემები არ გაუვრცელებია. BBC-ის რუსულმა სამსახურმა ღია წყაროებეზ დაყრდნობით გაარკვია, რომ 557 დაღუპული რუსი ჯარისკაცის ვინაობა უკვე დადასტურებულია.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,