საქართველოს პროკურატურამ დაცვის უფლების განხორციელებასთან დაკავშირებით, ადვოკატის მიმართ ძალადობისა და მუქარის ფაქტზე ერთ პირს ბრალდება წარუდგინა. აღნიშნულ ინფორმაციას საქართველოს პროკურატურა ავრცელებს.

უწყების ცნობით, შინაგან საქმეთა სამინისტროს მიერ ჩატარებული გამოძიებით დადგინდა, რომ 16 მარტს,  თბილისში, „გლდანის ხიდების“ მიმდებარე ტერიტორიაზე, პ.ჭ. მის ადვოკატს გ.ბ.-ს საადვოკატო საქმიანობასთან დაკავშირებული მოტივით და სასამართლოში საქმის განხილვასთან დაკავშირებით, სიცოცხლის მოსპობით დაემუქრა და ბასრი საგნით სახის არეში ჭრილობა მიაყენა.

,,სამართალდამცავებმა პ.ჭ. 19 მარტს დააკავეს. მას ბრალდება საქართველოს სისხლის სამართლის კოდექსის 365-ე მუხლის მე-3 ნაწილით (ადვოკატის მიმართ სიცოცხლის მოსპობის, ჯანმრთელობის დაზიანების ანდა ქონების განადგურების ან დაზიანების მუქარა დაცვის განხორციელებასთან, სასამართლოში საქმის ან მასალის განხილვასთან დაკავშირებით, ჩადენილი ძალადობით) წარედგინა, რაც სასჯელის სახედ და ზომად 2-დან 5 წლამდე თავისუფლების აღკვეთას ითვალისწინებს.

ბრალდების მხარის შუამდგომლობის საფუძველზე, თბილისის საქალაქო სასამართლომ პ.ჭ.-ს აღკვეთის ღონისძიების სახით პატიმრობა შეუფარდა.

სისხლის სამართლის საქმეზე გამოძიება გრძელდება" , - ნათქვამია განცხადებაში.

ავტორი: NS (სტატია დაფინანსებულია),

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ