რუსი ოკუპანტი, რომელმაც კიევის რეგიონში მამაკაცი მოკლა და ცოლი ბავშვის თვალწინ გააუპატიურა,უკრაინელმა სამხედროებმა მოკლეს.

როგორც "უნიანი" იუწყება, კიევის ოლქის პოლიციის ცნობით, ოპერატიული ინფორმაციით, „ნაძირალა ლიკვიდირებული იქნა უკრაინის სამხედროების მიერ, როგორც მტერი, რომელიც ჩვენი სახელმწიფოს ტერიტორიაზე რუსეთის ფედერაციის შეიარაღებული ძალების შემადგენლობაში შემოვიდა“.

პოლიცია აღნიშნავს, რომ მარტის დასაწყისში, ბროვარის რაიონის სოფელ ბოგდანოვკას ოკუპაციის დროს, რუსმა სამხედრო მოსამსახურემ ცეცხლსასროლი იარაღით მოკლა ერთ-ერთი სახლის მეპატრონე, მოგვიანებით კი „მთვრალ მდგომარეობაში სიცოცხლის მოსპობის მუქარის ქვეშ მოკლულის ცოლი 34 წლის ქალი გააუპატიურა. ოკუპანტი ქალს და მის მცირეწლოვან შვილს ძალადობით დაემუქრა“.

მოხსენებაში ნათქვამია, რომ სამძებრო სამუშაოების დროს პოლიციამ მოძალადის ვინაობა დაადგინა. 

" მიმდინარეობს საპროცესო საგამოძიებო მოქმედებების ჩატარება. ჩვენ უნდა დავრწმუნდეთ, რომ უკრაინელი ქალის ძალადობის საქმე საერთაშორისო სასამართლოს გადაეცეს.", - აცხადებენ პოლიციაში.

დასკვნაში ნათქვამია, რომ ახლა ქალი და ბავშვი უსაფრთხოდ არიან, მათ სიცოცხლეს და ჯანმრთელობას საფრთხე არ ემუქრება.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ