საქონლის ხორცისა და რძის წარმოების სექტორში დასაქმებულ 11 მეწარმეს, საგრანტო თანადაფინანსებით, 440 ათას დოლარამდე ღირებულების ინვენტარი გადაეცემა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათივე ინფორმაციით, პროექტის „ინვესტირება უვნებელ და ხარისხიან მესაქონლეობაში (SQIL)“ ფარგლებში, საგრანტო თანადაფინანსების გამარჯვებული მეწარმეების დაჯილდოების ღონისძიებას გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი დაესწრო.

აღნიშნული საგრანტო კონკურსის ფარგლებში, თანადაფინანსება საქონლის ხორცისა და რძის წარმოების სექტორში დასაქმებულმა 11-მა ფერმერმა მოიპოვა, ჯამში, SQIL პროექტის საგრანტო მიმართულებას 930 ათასი დოლარის ღირებულების 36 გრანტი აქვს გაცემული. როგორც გარემოს დაცვისა და სოფლის მეურნეობის მინისტრის პირველმა მოადგილემ, გიორგი ხანიშვილმა, აღნიშნა, SQIL პროექტი, რომელიც მოიცავს არა მხოლოდ საგრანტო მიმართულებას, არამედ საგანმანათლებლო ასპექტებს, მათ შორის, ტრენინგებს, სახელმძღვანელოების მომზადებასა და ფერმერთა გადამზადებას, ხელს უწყობს ქვეყანაში საერთაშორისო სტანდარტის მესაქონლეობის დარგის განვითარებას.

,,5-წლიან პროექტს „ინვესტირება უვნებელ და ხარისხიან მესაქონლეობაში - საქართველო“ Land O’Lakes Venture37 - საქართველოს ფერმერთა ასოციაციასთან პარტნიორობით ახორციელებს. პროექტის მიზანია, საქართველოში არსებული მსხვილფეხა პირუტყვის რძისა და ხორცის ინდუსტრიებში სურსათის უვნებლობისა და ხარისხის სტანდარტების გაუმჯობესება.

ავტორი: NS (სტატია დაფინანსებულია),

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში