საქართველოს შინაგან საქმეთა სამინისტროს სამუშაო ვიზიტით ყაზახეთის რესპუბლიკის შინაგან საქმეთა სამინისტროს დელეგაცია, ალმათის აკადემიის ხელმძღვანელის - აიდარ საიტბეკოვის ხელმძღვანელობით ეწვია. - ამის შესახებ ინფორმაციას შსს ავრცელებს.

უწყების ცნობით, ვიზიტი გაეროს ნარკოტიკებისა და დანაშაულის წინააღმდეგ ბრძოლის ოფისის ცენტრალური აზიის განყოფილების (UNODC ROCA) ორგანიზებით განხორციელდა და მის მიზანს საქართველოს შინაგან საქმეთა სამინისტროში განხორციელებული რეფორმებისა და საუკეთესო პრაქტიკის გაცნობა წარმოადგენს.

შინაგან საქმეთა მინისტრის მოადგილე, ალექსანდრე დარახველიძე ყაზახეთის დელეგაციის წევრებს სამინიტროს სხვა ხელმძღვანელ პირებთან ერთად შეხვდა.

"შეხვედრის ფარგლებში მხარეებმა ორი ქვეყნის შინაგან საქმეთა სამინისტროებს შორის არსებული თანამშრომლობის მნიშვნელობასა და სამომავლო პერსპექტივებზე ისაუბრეს.

შეხვედრის დასასრულს, ალექსანდრე დარახველიძემ იმედი გამოთქვა, რომ ვიზიტის ფარგლებში გაზიარებული ინფორმაცია და გამოცდილება სასარგებლო იქნება ყაზახეთის მხარისთვის შინაგან საქმეთა სამინისტროში რეფორმების დანერგვის მიმართულებით.

დელეგაციის წარმომადგენლები ასევე შეხვდნენ შსს-ს საინფორმაციო-ანალიტიკური დეპარტამენტის, ცენტრალური კრიმინალური პოლიციის დეპარტამენტის, გენერალური ინსპექციისა და ადამიანური რესურსების მართვის დეპარტამენტის წარმომადგენლებს. სტუმრები ასევე ეწვივნენ შსს-ს აკადემიას, საპატრულო პოლიციის დეპარტმენტს, მომსახურების სააგენტოს, საზოგადოებრივი უსაფრთხოების მართვის ცენტრ „112“-ს, თბილისის პოლიციის დეპარტამენტს და ადგილზე გაეცნენ მათი მუშაობის სპეციფიკას." - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ