უკრაინის პრეზიდენტი ვოლოდიმირ ზელენსკი თვლის, რომ გერმანია თანამონაწილეა ევროპაში ახალი კედლის შენებაში, როდესაც ის ანელებს უკრაინის ევროკავშირში შესვლის პროცესს. 

ამის შესახებ უკრაინის პრეზიდენტმა  ბუნდესტაგში, გერმანელი დეპუტატების წინ ვირტუალური გამოსვლისას განაცხადა და აღნიშნა, რომ ბევრ გერმანელს არ სურს რუსეთის შეზღუდვა ისე, როგორც ამას სიტუაცია მოითხოვს. 

როგორც ვოლოდიმირ ზელენსკიმ აღნიშნა, გერმანია, რომელიც ადრე ეწინააღმდეგებოდა უკრაინის სწრაფ ინტეგრაციას დასავლურ სამყაროსთან, პასუხისმგებელია ნაწილობრივ რუსეთის მიერ თავდასხმაზე. 

„როდესაც ჩვენ გეკითხებოდით თქვენ - რა უნდა გააკეთოს უკრაინამ, რომ გახდეს ნატო-ს წევრი, პასუხად ვისმენდით, რომ ასეთი გადაწყვეტილება მაგიდაზე არ დევს და არ დაიდება. და ახლა თქვენ აჭიანურებთ უკრაინის ევროკავშირში გაწევრიანების პროცესს. თქვენთვის ეს პოლიტიკაა, სინამდვილეშ კი ეს ქვებია, ქვები ახალი კედლისთვის, ევროპის გამყოფი კედლისთვის", - დაძინა ზელენსკიმ.

ვოლოდიმირ ზელენსკიმ ასევე მოუწოდა გერმანიის კანცლერს, ოლაფ შოლცს, „დაანგრიოს კედელი“, რომელიც ახლა შენდება ევროპაში.

ავტორი: ექსპრესნიუსი,

სოციალური ქსელები

ივანიშვილი ცდილობს, ჩაკლას თავისუფლება - ფედერალისტები ლოხიშვილის პატიმრობაზე

დისტრიბუტორთა ასოციაცია: ნუ ელით ფასების სწრაფ შემცირებას

ტაქსის მძღოლები და კურიერები სამუშაო პირობების გაუმჯობესებას ითხოვენ

საპატრიარქოს ტახტის მოსაყდრე შიომ საპატრიარქოში ოცნების საგარეო მინისტრი, მაკა ბოჭორიშვილი მიიღო