დღეს, სატელევიზიო მარათონის ეთერში, მარიუპოლიდან ევაკუირებულმა მაცხოვრებელმა თქვა, რომ დრამატულ თეატრში სულ მცირე 1500 ადამიანი ზის, დაბომბვისგან ხალხის თავებზე უზარმაზარი ჭაღი ირხევა და კედლები კანკალებს.
მიუხედავად ამისა რუსმა ოკუპანტებმა დღეს საღამოს მარიუპულის დრამატული თეატრი დაბომბეს. ტელეგრამ არხებზე გავრცელებულ ვიდეოში ჩანს ხალხი, მათ შორის ბავშვები და ქალები, რომლებიც თეატრს თავს აფარებდნენ, ვიდეოები გადაღებულია დღეს ან გუშინ.

უკრაინის ხელისუფლების ცნობით, თეატრის შენობაში შესაძლოა ასობით მშვიდობიანი მოქალაქე იყოს.

"კიდევ ერთი საშინელი ომის დანაშაული მარიუპოლში. რუსეთის მასიური დარტყმა დრამატულ თეატრზე, სადაც ასობით მშვიდობიანი მოქალაქე იმალებოდა. რუსებმა კარგად იცოდნენ, რომ ეს სამოქალაქო თავშესაფარია. გადაარჩინე მარიუპოლი! შეაჩერე რუსი ომის დამნაშავეები!" - წერს უკრაინელი. საგარეო საქმეთა მინისტრი დიმიტრი კულება.

უკრაინაში, რუსმა ოკუპანტებმა მარიუპოლის დრამატული თეატრი მიზანმიმართულად გაანადგურეს, რომელსაც ასობით მოქალაქე ბავშვებთან ერთად თავს აფარებდა.

უკანასკნელი ცნობებით, დაღუპულთა რაოდენობის შესახებ ინფორმაცია, ამ დროისთვის, ზუსტდება. აღნიშნულის შესახებ მარიუპოლის საკრებულოს პრესსამსახური იტყობინება.

ავტორი: ექსპრესნიუსი,

სოციალური ქსელები

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა

ინდოეთის ოპოზიცია საარჩევნო კომისიის თავმჯდომარის წინააღმდეგ მარშით გამოდის

სოფელ ბერშუეთის მიმდებარედ რუსეთის საოკუპაციო ძალების მიერ უკანონოდ დაკავებული საქართველოს მოქალაქე თავისუფალია

პაპუაშვილი – ევროკავშირი და მისი საელჩო ძალადობის მხარდაჭერის ტესტში საკმარისზე მეტჯერ ჩაიჭრნენ