კიევის რეგიონის პოლიციის უფროსი ანდრეი ნებიტოვი იუწყება, რომ რუსმა ოკუპანტებმა დახვრიტეს ამერიკის მოქალააქე New York Times-ის ჟურნალისტი ბრენტ რენო. 
„ახლა მსხვერპლი საბრძოლო ზონიდან გაჰყავთ. რა თქმა უნდა, ჟურნალისტის პროფესია რისკს შეიცავს, მაგრამ აშშ-ის მოქალაქემ ბრენტ რენომ სიცოცხლე გაწირა იმისთვის, რომ აგრესორის მზაკვრულ სისასტიკეს და დაუნდობლობას შუქი მოჰფენოდა“, - განაცხადა ნებიტოვმა.

ჟურნალისტის გარდაცვალებას უკრაინის შინაგან საქმეთა მინისტრის მრჩეველი ანტონ გერაშჩენკო გამოეხმაურა: „ოკუპანტები ცინიკურად კლავენ საერთაშორისო მედიის ჟურნალისტებსაც კი, რომლებიც ცდილობენ, აჩვენონ სიმართლე უკრაინაში რუსული ჯარების სისასტიკეზე. დღეს ირპენში დახვრიტეს მსოფლიოში ცნობილი მედიის New York Times-ის 51 წლის კორესპონდენტი“, - განაცხადა გერაშჩენკომ.

აღსანიშნავია, რომ ჯერ კიდევ უკრაინაში ომის დაწყებამდე აშშ-ის პრეზიდენტმა ჯო ბაიდენმა გააფრთხილა რუსეთი, რომ ამერიკელ მოქალაქეებზე თავდასხმის შემთხვევაში სახელმწიფოს პასუხი მძლავრი და მყისიერი იქნებოდა.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ