2022-03-11 18:43:54, 662 ნახვა

---

ალექსეი რეზნიკოვის განცხადებით, რუსეთი უკრაინა-ბელარუსის საზღვართან მდებარე დასახლებულ პუნქტებს თავს დაესხმება

უკრაინის თავდაცვის მინისტრმა, ალექსეი რეზნიკოვმა განაცხადა, რომ რუსული საჰაერო ძალები უკრაინა-ბელარუსის საზღვართან მდებარე რამდენიმე დასახლებულ პუნქტზე დარტყმისთვის ემზადებიან.

მისი თქმით, რუსი ოკუპანტები, ამჟამად, ბელარუსში, ბრესტის ოლქზე თავდასხმას, პროვოკაციის მიზნით გეგმავენ.

,,გარანტიას გაძლევთ, რომ უკრაინის არმიას არ დაუგეგმავს, არ გეგმავს და არც მომავალში დაგეგმავს რაიმე აგრესიულ ქმედებებს ბელარუსის წინააღმდეგ. ომის 15 დღის განმავლობაში უკრაინელმა ჯარებმა გაანადგურეს 12 000-ზე მეტი რუსი ჯარისკაცი. ნუ მისცემთ უფლებას თქვენი ქვეყანა ჩართოს ამ ომში! გადაარჩინე შენი საყვარელი ადამიანების სიცოცხლე! ნუ მისცემთ კრემლს უფლებას, გაანადგუროს ბელარუსის მომავალი!”, - აღნიშნა ,,ფეისბუკ”-ზე, განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი