2022-03-10 15:10:47, 745 ნახვა
მსოფლიო
უკრაინის ვიცე პრემიერი - უკვე მეოთხე დღეა, რაც მარიუპოლს ვერ ვაწვდით წყალს, საჭირო მედიკამენტებსა და საკვებს
მარიუპოლი მთლიანად დაბლოკილია, როგორც ხალხის ევაკუაციისთვის, ასევე ჰუმანიტარული ტვირთის გადასაზიდად.
ამის შესახებ ვიცე პრემიერ-მინისტრმა, დროებით ოკუპირებული ტერიტორიების რეინტეგრაციის საკითხებში, ირინა ვერეშჩუკმა საინფორმაციო ტელეთელონის ეთერში განაცხადა.
მან აღნიშნა, რომ ორეხოვსა და პოლოგის შორის ბრძოლები მიმდინარეობს.
„ჩვენი ჰუმანიტარული ტვირთი კვლავ დაბრუნდა ზაპოროჟიეში. ეს უკვე მეოთხე დღეა, როდესაც ჩვენ ვერ ვაწვდით წყალს, საჭირო მედიკამენტებს და საკვებს“, - განაცხადა ვერეშჩუკმა.
ავტორი: ექსპრესნიუსი,
epn.ge (@expressnews.ge)
