ნატო არ დახურავს ცას უკრაინის თავზე, რადგან ეს ნაბიჯი ნიშნავს რუსეთთან სამხედრო კონფლიქტში შესვლას, რომელიც საფრთხეს შეუქმნის მილიონობით ევროპელის სიცოცხლეს. - ამის შესახებ გერმანიის საგარეო საქმეთა მინისტრმა ანალენა ბერბოკმა გერმანული ტელეარხის ARD-ის ეთერში განაცხადა, იუწყება Ukrinform-ის კორესპონდენტი.

"ცის დახურვა ნიშნავს, რომ ნატოს თვითმფრინავები რუსულ თვითმფრინავებს ესვრიან, რაც ნატოს უშუალო ჩართვას კონფლიქტში. ჩვენ გვაქვს პასუხისმგებლობა დავიცვათ ჩვენი ხალხი", - თქვა ბერბოკმა.

მისი თქმით, ბლოკი პასუხისმგებელია მილიონობით ევროპელის სიცოცხლეზე. არ დავუშვებთ უკრაინაში პუტინის ომი სხვა ქვეყნებშიც გავრცელდეს და მესამე მსოფლიო ომად იქცეს, ამიტომ "ჩვენ უნდა ვიმოქმედოთ მშვიდად".

გერმანიის საგარეო საქმეთა მინისტრმა აღნიშნა, რომ ბოლო მოვლენებმა აჩვენა, რომ პუტინისთვის არ არსებობდა „წითელი ხაზები“, ამიტომ ნატოს აღმოსავლეთის საზღვრების გაძლიერება სჭირდება, რათა შეეძლოს თავისი მოკავშირეების დაცვა. მანვე დასძინა, რომ სანქციები არ იძლევა მყისიერ ეფექტს, რომ ისინი  დიდი ხნის განმავლობაში უნდა გაგრძელდეს და  განხორციელებიდან მალევე არ უნდა მოიხსნას.

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა