|
2022-02-23 15:43:38, 644 ნახვა
საზოგადოება
„საქართველოს ბანკის“ მხარდაჭერით, საგამომცემლო საკითხებზე უცხოელი გამომცემლების ლექციები გაიმართება
„საქართველოს ბანკისა“ და „თბილისი - წიგნის მსოფლიო დედაქალაქის“ თანამშრომლობის ფარგლებში, 3-6 მარტს, სასტუმრო Moxy-ში საგამომცემლო საკითხებზე ლექციების სერია გაიმართება. ღონისძიების ფარგლებში, უცხოელი გამომცემლები ადგილობრივ კოლეგებს თანამედროვე საგამომცემლო ტენდენციებსა და საკუთარ გამოცდილებას გაუზიარებენ. შეხვედრები ისეთ თემებს შეეხება, როგორიცაა: საავტორო უფლებების ყიდვა, დაცვა და გაყიდვა; ავტორის განვითარება გრძელვადიან პერსპექტივაში და სხვ. შეხვედრების სერიას PEN UK-ს, Granta-ს, Suhrkamp-ის, Scribe-ისა და სხვა ორგანიზაციების წარმომადგენლები გაუძღვებიან. ღონისძიება საქართველოში აშშ-ის საელჩოს, საერთაშორისო ლიტერატურული შოუქეისის კოლაბორაციული ფონდისა (International Literature Showcase Collaboration Fund) და საქართველოში გოეთეს ინსტიტუტის მხარდაჭერით ტარდება. ლექციებზე დასწრების მსურველებმა, აღნიშნულ ბმულზე უნდა გაიარონ რეგისტრაცია: https://bit.ly/36zyMwe. თითოეულ მონაწილეს რამდენიმე ლექციის არჩევა შეუძლია, თუმცა უპირატესობა შესაბამისი პროფესიის აპლიკანტებს მიენიჭება. შესაბამისად, მნიშვნელოვანია განაცხადის ფორმაში, თემების პრიორიტეტის მიხედვით მონიშნვა. ინფორმაციისთვის, „თბილისი - წიგნის მსოფლიო დედაქალაქი“ UNESCO-ს პროექტია, რომელიც საქართველოს ბანკის გენერალური პარტნიორობით და თბილისის მერიის ფინანსური მხარდაჭერით ხორციელდება. პროექტი მიზნად ისახავს წიგნისა და კითხვის პოპულარიზაციას, ხელს უწყობს წიგნის ინდუსტრიისა და მასთან დაკავშირებული ყველა სფეროს განვითარებას, თანამედროვე ავტორების, მთარგმნელების, ბიბლიოთეკების, გამომცემლების ხელშეწყობას.
|
რედაქტორის რჩევით
ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო
წინადადება თბილისს: იცვლის თუ არა უკრაინა კურსს საქართველოსთან მიმართებაში
ომი უკრაინაში
ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა
რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი
ვიდეო/LIVE პატრიარქის ილია მეორის დაკრძალვა - პირდაპირი
|


ავტორი: R (რეკლამა),



epn.ge (@expressnews.ge)