თვითგამოცხადებული დონეცკის ე.წ სახალხო რესპუბლიკის და ლუგანსკის ე.წ სახალხო რესპუბლიკის მაცხოვრებლების რიცხვი, რომლებმაც განაცხადეს რუსეთის მოქალაქეობაზე, 950 ათასი ადამიანია, - ამის შესახებ სააგენტო TASS როსტოვის ოლქის სახელმწიფო სათათბიროს დეპუტატზე ვიქტორ ვოდოლაცკიზე დაყრდნობით იუწყება.
აქედან 775 000-მა ადამიანმა უკვე მიიღო რუსეთის მოქალაქეობა, 170 000-მდე კი რეგისტრაციის პროცედურას გადის, განაცხადა ვოდოლაცკიმ.
გასული წლის ივლისში ვოდოლაცკიმ განაცხადა, რომ დონბასის 611 ათასმა მცხოვრებმა მიიღო რუსული პასპორტი.
საერთო ჯამში, დაახლოებით 3,5 მილიონი ადამიანი ცხოვრობს DPR და LPR-ის ტერიტორიაზე.

თვითგამოცხადებული დონეცკის და ლუგანსკის რესპუბლიკების მაცხოვრებლებს რუსული პასპორტების მიღება გამარტივებული პროცედურებით 2019 წლიდან შეუძლიათ. ამისათვის მათ არ სჭირდებათ ბინადრობის ნებართვის აღება და რუსეთში ხუთი წლის განმავლობაში ცხოვრება, როგორც სხვა ქვეყნების მოქალაქეობის მსურველები. მათზე პასპორტები გაიცემა როსტოვის რეგიონში.

უკრაინა არ ცნობს დონბასის მაცხოვრებლებზე გაცემულ რუსულ პასპორტებს და მიიჩნევს, რომ ეს არის პირველი ნაბიჯი ამ ტერიტორიების ანექსიისკენ.
შეგახსენებთ, რომ მოსკოვმა ჯერ კიდევ 2000-იან წლებში დაიწყო აფხაზეთისა და ცხინვალის რეგიონებში მცხოვრები მოსახლეობის უკანონო, იძულებითი პასპორტიზაცია, რასაც 2008 წლის აგვისტოს ომი და ქართველების ეთნიკური წმენდა მოჰყვა.

ავტორი: ექსპრესნიუსი,

სოციალური ქსელები

კანადამ და ევროკავშირმა ალიანსის შექმნის შესახებ განაცხადეს

აშშ-ის სასამართლომ ტრამპის ადმინისტრაციას საარჩევნო კომისიის წევრების დაშინება აუკრძალა

პოლონეთის პრემიერ-მინისტრმა საკონსტიტუციო ტრიბუნალთან დაკავშირებულ კონფლიქტზე - კანონის უზენაესობის აღდგენა ჩვენი მოვალეობაა

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა