დევნილთა, ეკომიგრანტთა და საარსებო წყაროებით უზრუნველყოფის სააგენტომ თბილისში, ახალაშენებულ კორპუსში  იძულებით გადაადგილებულ 46 ოჯახს ბინები გადასცა. აღნიშნულთან დაკავშირებით განცხადებას დევნილთა სააგენტო იუწყენა.

უწყების ცნობით, ამ ეტაპზე, თანამედროვე სტანდარტების შესაბამისი საცხოვრებელი ფართები ყოფილ სანატორიუმ „ქართლსა“ და ყოფილ სასტუმრო „ოქროს საწმისში“ მცხოვრებმა  დევნილმა ოჯახებმა მიიღეს.

„ბინები კენჭისყრის პრინციპით განაწილდა. ღონისძიებას დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ჯაბა სირბილაძე და დირექტორის მოადგილე დავით გურამიშვილი ესწრებოდნენ. 

იძულებით გადაადგილებული ოჯახებისთვის უსაფრთხო საცხოვრებელი პირობების შექმნა სააგენტოს უმთავრეს პრიორიტეტს წარმოადგენს.  გაცემული დაპირების შესაბამისად, ყოფილ სანატორიუმ  „ქართლის“  შენობაში მცხოვრები ოჯახების საკითხის გადაწყვეტის მიზნით,  უმოკლეს ვადაში, არაერთი ქმედითი ნაბიჯი გადაიდგა.   გასულ კვირაში სანატორიუმში მცხოვრები 16 ოჯახი განსახლდა. ამ ეტაპზე კი, ბინა 17-მა ოჯახმა მიიღო. 2022 წელს, ეტაპობრივად, „ქართლში“ მცხოვრები ყველა დევნილი  სათანადო  საცხოვრებელი ფართით დაკმაყოფილდება.
დევნილთა განსახლების პროცესი, მთელი ქვეყნის მასშტაბით, აქტიურად მიმდინარეობს.  2022-2024 წლებში,  ღირსეულ საცხოვრებელს იძულებით გადაადგილებული 13 000  ოჯახი მიიღებს“, - აღნიშნულია განცხადებაში.

ავტორი: NS (სტატია დაფინანსებულია),

სოციალური ქსელები

კანარის კუნძულებზე MV Hondius-ის მგზავრების ევაკუაცია მიმდინარეობს, სადაც ჰანტავირუსი დაფიქსირდა

პუტინს სჯერა რომ უკრაინაში აგრესიულ ომს მალე დაასრულებს და უკრაინის შეიარაღებულ ძალებს გაანადგურებს

ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო

რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა