ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ზურაბ აზარაშვილი აშშ-ს ელჩს საქართველოში კელი დეგნანს შეხვდა.

მხარეებმა ერთობლივი პროექტები განიხილეს. ყურადღება გამახვილდა პანდემიის საკითხებზე და კოვიდ-19-ის საწინააღმდეგო იმუნიზაციის პროცესზე. მინისტრმა დიპლომატს სოფლად ვაქცინაციის კამპანიის ახალი ეტაპის შესახებ ინფორმაცია მიაწოდა.

„ელჩთან შეხვედრისას განვიხილეთ  კოვიდ-19-ის  პანდემიის მიმდინარეობა და აშშ-ს მხარდაჭერა და როლი მართვის პროცესში. შეხვედრაზე საუბარი შეეხო სამინისტროს მიერ დაგეგმილ პროექტებსაც",- განაცხადა ზურაბ აზარაშვილმა. შეხვედრაზე მხარეებმა მედიკამენტებზე ხელმისაწვდომობის გაზრდის კუთხით მიმდინარე და დაგეგმილი ცვლილებებიც  განიხილეს. იმსჯელეს იძულებით გადაადგილებულ პირთა საკითხებზე. განიხილეს შრომის პირობების მიმართულებით ქვეყანაში არსებული მდგომარეობაც.

„ჩემთვის ძალიან სასიამოვნოა, რომ შევხვდი ჯანდაცვის მინისტრს ზურაბ აზარაშვილს და მის ახალ მოადგილეს. ჩვენ განვიხილეთ სხვადსხვა საკითხები, მათ შორის რა თქმა უნდა კოვიდ-19, ასევე სხვა მნიშვნელოვანი თემები, რასაც აღნიშნული სამინისტრო მოიცავს. აშშ-ს საქართველოსთან 30 წლიანი, მჭიდრო ურთიერთობა აკავშირებს. ვმუშაობდით საზოგადოებრივი ჯანდაცვის საკითხებზე. ვმუშაობთ C ჰეპატიტის ელიმინაციის, ასევე იმუნიზაციის პროგრამებზე. დედათა და ბავშთა ჯანდაცვის სერვისების გაძლიერებაზე.

მინისტრთან შეხვედრაზე პანდემიასთან დაკავშირებული საკითხები განვიხილეთ. მოგეხსნებათ, რომ დღეს ინფიცირების ძალიან მაღალი მაჩვენებელია, სწორედ ამიტომ არის აუცილებელი, რომ კიდევ ერთხელ ხაზი გაესვას ვაქცინაციის მნიშვნელობას, განსაკუთრებით  მნიშვნელოვანია ბუსტერ დოზების გაკეთება. მსოფლიო გამოცდილებიდან კარგად ჩანს რომ ვაქცინა არის უსაფრთხო, ეფექტური და მას შეუძლია სიცოცხლის გადარჩენა. იმუნიზაციის პროცესის გამარტივებისთვის კი სამინისტროს ძალიან კარგი პროგრამები აქვს, რაც მოსახლეობისთვის ვაქცინაზე ხელმისაწვდომობას  უზრუნველყოფს",-ამის შესახებ აშშ-ს ელჩმა საქართველოში კელი დეგნანმა განაცხადა.

ავტორი: NS (სტატია დაფინანსებულია),

სოციალური ქსელები

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას

კანარის კუნძულებზე MV Hondius-ის მგზავრების ევაკუაცია მიმდინარეობს, სადაც ჰანტავირუსი დაფიქსირდა