2022-01-29 12:57:09, 1205 ნახვა
სამართალი
ხობში მიკროვატობუსის და სატვირო ავტომანქანის შეჯახების შედეგად 1 პირი გარდაიცვალა, 1 კი დაშავდა
ხობის მუნიციპალიტეტის სოფელ ბიაში ერთმანეთს მიკროვატობუსი და სატვირო ავტომანქანა შეეჯახა. არსებული ინფორმაციით, სამგზავრო მიკროავტობუსი მოყინულ გზაზე მოცურდა და სატვირთო ავტომობილს შეეჯახა.
შემთხვევის შედეგად მიკროავტობუსის მგზავრი, ახალგაზრდა ქალი ადგილზე გარდაიცვალა, ერთი პირი კი დაშავდა.
დაშავებული სხვადასხვა სახის დაზიანებებით სასწრაფო-სამედიცინო დახმარების ბრიგადამ კლინიკაში გადაიყვანა. ექიმების ინფორმაციით, მის სიცოცხლეს საფრთხე არ ემუქრება.
ავტორი: ექსპრესნიუსი,
epn.ge (@expressnews.ge)
