ნატოს გენერალურმა მდივანმა რუსეთს მოუწოდა უკრაინიდან და საქართველოდან ჯარები გაიყვანოს და შემდეგ შესთავაზა ურთიერთობების აღდგენა

2022-01-26 23:48:12, 973 ნახვა

მსოფლიო

ნატო-ს გენერალურმა მდივანმა იენს სტოლტენბერგმა მოსკოვს მოუწოდა გაიყვანოს ჯარები უკრაინიდან, საქართველოდან და მოლდოვადან, სადაც ისინი, ამ ქვეყნების ნებართვის გარეშე იმყოფებიან. - სტოლტენბერგის გამოსვლა ნატოს ვებგვერდზე გავრცელდა.
ნატოს გენერალურმა მდივანმა რუსეთთან ურთიერთობის სამი სფერო დაასახელა, რომლებშიც პროგრესის მოლოდინი შეიძლება. ევროპული უსაფრთხოების უზრუნველყოფასა და უკრაინაში არსებულ ვითარებაზე საუბრისას, სტოლტენბერგმა განაცხადა ნატოს მზადყოფნა, მოუსმინოს რუსეთის შეშფოთებას და დაელოდოს "რეალურ" დიალოგს უსაფრთხოების საფუძვლების შესანარჩუნებლად. ამისათვის, მისი თქმით, რუსეთმა უნდა გაიყვანოს ჯარები მეზობელი ქვეყნებიდან და პატივი სცეს დამოუკიდებელი სახელმწიფოების უფლებას, აირჩიონ როგორ იქნება უზრუნველყოფილი მათი უსაფრთხოება.
სტოლტენბერგმა ასევე შესთავაზა მოსკოვს განაახლოს ნატოს წარმომადგენლობა რუსეთში და რუსეთის წარმომადგენლობა ბრიუსელში, გახსნა ასევე დაამყაროს კომუნიკაციის პირდაპირი ხაზი და გამოიყენოს სამხედრო კონტაქტები სამხედრო ინციდენტების თავიდან ასაცილებლად.
გარდა ამისა, ნატოს გენერალურმა მდივანმა მოუწოდა რისკის შემცირების, ღიაობისა და შეიარაღების კონტროლისკენ. გენმდივანმა კრემლს შესთავაზა რუსეთ-ნატოს საბჭოს ფარგლებში კონსულტაციების გაგრძელება კოსმოსისა და კიბერ საფრთხეების შემცირების, საჰაერო და საზღვაო უსაფრთხოების უზრუნველსაყოფად და ბიოლოგიურ და ქიმიურ იარაღზე საერთაშორისო შეთანხმებების დაცვაზე.
ნატო, სტოლტენბერგის თქმით, "მომზადებულია ყველაზე უარესისთვის", ამიტომ ალიანსი აძლიერებს თავის ყოფნას ბალტიის და შავ ზღვებში და აყენებს თავის ჯარებს მზადყოფნაში.
სტოლტენბერგის თქმით, საჭიროების შემთხვევაში, საპასუხო ძალების მობილიზება შესაძლებელია რამდენიმე დღეში.
დეკემბერში რუსეთის საგარეო საქმეთა სამინისტრომ გამოაქვეყნა უსაფრთხოების გარანტიების შესახებ შეთანხმებების პროექტები, რომლებიც ითვალისწინებს ნატოს აღმოსავლეთით გაფართოების უარყოფას, მათ შორის უკრაინისა და საქართველოს ხარჯზე. მოსკოვმა ასევე მოითხოვა ნატოს 1997 წლის პოზიციებზე დაბრუნება. ჩრდილოატლანტიკურმა ალიანსმა და შეერთებულმა შტატებმა განაცხადეს, რომ ისინი არ დათანხმდნენ ასეთ ზომებს.