2022-01-13 22:04:14, 1488 ნახვა

---

აშშ-ის ცნობით, ჩრდ. კორეას მხრიდან საერთაშორისო საზოგადოების მოწოდებების დარღვევას, შესაბამისი პასუხი მოჰყვება

აშშ-მ ჩრდილოეთ კორეას ახალი სანქციები დაუწესა. CBS News-ის ცნობით, საქმე ბალისტიკური რაკეტების პროგრამის გაგრძელებისა და ახალი ზებგერითი რაკეტის ცდებს უკავშირდება, რომლის გამოცდის პროცესსაც 11 იანვარს, ამავე სახელმწიფოს ლიდერი, კიმ ჩენ ინი დაესწრო.

გავრცელებული ინფორმაციით, შეზღუდვები 4 ჩინეთისა და ერთ რუსეთის მოქალაქეებსეხებათ. მედიის ცნობით, ამ ადამიანებს ჩრდ. კორეის სარაკეტო პროგრამასთან და შეიარაღებულ ძალებთან კავშირები ჰქონდათ. 

აშშ-ის სახელმწიფო მდივნის, ენტონი ბლინკენის განცხადებით, იმის გამო, რომ ჩრდ. კორეა საერთაშორისო საზოგადოების მოწოდებების უხეშ დარღვევასა და დიპლომატიური ურთიერთობების დაძაბვას კვლავ განაგრძობს, ამ ყველაფერს, აშშ-ს მხრიდან შესაბამისი პასუხი მოჰყვება.

მედიის ცნობით, ჩრდ. კორეის თავდაცვითი ძალების გასაზრდელად, აღნიშნული სახელმწიფო, უახლოეს მომავალში, კვლავ აპირებს ახალი რაკეტების საგამოცდო პროცედურების გაგრძელებას.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი