უკრაინის სახალხო დამცველი, ლიუდმილა დენისოვა აცხადებს, რომ გმობს საქართველოს მესამე პრეზიდენტის, უკრაინის მოქალაქე მიხეილ სააკაშვილის გორის სამხედრო ჰოსპიტალიდან რუსთავის მე–12 პენიტენციურ დაწესებულებაში გადაყვანას.

ომბუდსმენი გორის სამხედრო ჰოსპიტალში გუშინ მომხდარ ინციდენტს ეხმაურება და აღნიშნავს, რომ ექს–პრეზიდენტის ჯანმრთელობის მდგომარეობა უმძიმესად რჩება, რის გამოც, ის ბოლო 3 სასამართლო სხდომაზე დასწრებას ვერ ახერხებს.

„ვრცელდება უკიდურესად საგანგაშო ინფორმაცია მიხეილ სააკაშვილის მორიგი შიმშილობის დაწყების მზადყოფნის შესახებ. მიხეილ სააკაშვილს სჭირდება მულტიფუნქციურ კლინიკაში მკურნალობა საქართველოში ან საზღვარგარეთ“, – წერს დენისოვა.

ამასთანავე, ომბუდსმენი აღნიშნავს, რომ უკრაინამ უნდა მოახდინოს ექიმებისა და ექსპერტების დელეგირება, რათა განსაზღვროს საკუთარი მოქალაქის ჯანმრთელობის ზარალის ხარისხი და მიიღოს გადაწყვეტილება შემდგომი მკურნალობის პირობების შესახებ.

„ვთხოვ უცხოეთის სახელმწიფოებსა და საერთაშორისო უფლებადამცველ ორგანიზაციებს, მკაცრად დაგმონ მიხეილ სააკაშვილის სიცოცხლის, ჯანმრთელობის დაცვა და სამედიცინო დახმარების უფლებები, რომლებიც აღსრულებულია კონვენციის მე–2 მუხლით.

მივმართავ საქართველოს იუსტიციის მინისტრს, უზრუნველყოს უკრაინის მოქალაქე მიხეილ სააკაშვილის კვალიფიციური მკურნალობა გორის სამხედრო ჰოსპიტალში მის სრულ გამოჯანმრთელებამდე“, – წერს ომბუდსმენი.

ავტორი: ექსპრესნიუსი,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის