რუსულმა ჰაკერულმა ჯგუფმა Clop-მა darknet-ზე გამოაქვეყნა ბრიტანული პოლიციის პერსონალური მონაცემები, რომელიც მოპარული იყო IT კონტრაქტორის Dacoll-ისგან. ინფორმაციას გაზეთი The Daily Mail ავრცელებს.
გამოცემის თანახმად, "კლოპმა" ფიშინგური შეტევა, ოქტომბერში დაიწყო, რომლის შედეგად მიიღო წვდომა Dacoll-ის მონაცემებზე - მათ შორის პოლიციის ეროვნულ ქსელზე (PNC), რომელიც შეიცავს 13 მილიონი ადამიანის პერსონალურ ინფორმაციას.

როდესაც დაკოლმა უარი თქვა თანხის ჰაკერებისთვის გადახდაზე, მათ ატვირთეს ასობით ფაილი darknet-ში, -ნათქვამია გაზეთში. მათ შორის არის გადაჭარბებული სიჩქარის მქონე მძღოლების ფოტოები, რომლებიც ჯგუფმა აშკარად გადმოტვირთა ფირფიტების ამოცნობის ეროვნული ავტომატური სისტემიდან (ANPR).

Dacoll-ის წარმომადგენლებმა უარი თქვეს ჰაკერების მიერ მოთხოვნილი გამოსასყიდის ოდენობის გამხელაზე.

Dacoll დაარსდა 1969 წელს და ავითარებს IT გადაწყვეტილებებს სხვა კომპანიებისა და დიდი ბრიტანეთის დეპარტამენტებისთვის. მისი ერთ-ერთი შვილობილი კომპანია, NDI Technologies, უწევს „მისია კრიტიკულ“ მომსახურებას გაერთიანებული სამეფოს პოლიციისთვის - ის უზრუნველყოფს ოფიცრებს PNC-ზე დისტანციური წვდომით. Dacoll-ის კიდევ ერთი შვილობილი კომპანია, NDI Recognition Systems, უზრუნველყოფს ANPR-ისა და პოლიციის მიერ გამოყენებული სხვა სერვისების მხარდაჭერას.

ჰაკერულმა ჯგუფმა Clop, რომელიც რუსეთთან ასოცირდება, შეიმუშავა გამოსასყიდი ვირუსი, რომელიც შიფრავს მსხვერპლის კომპიუტერზე არსებულ მონაცემებს და ითხოვს გამოსასყიდს მის განბლოკვისთვის. ივნისში ჯგუფთან დაკავშირებით ექვსი ეჭვმიტანილი დააკავეს უკრაინაში - ამის შემდეგ მისი საქმიანობა დროებით შეწყდა, მაგრამ თვის ბოლოს ჰაკერებმა კვლავ დაიწყეს დაზარალებულებისგან მოპარული მონაცემების გამოქვეყნება.

ავტორი: ექსპრესნიუსი,

სოციალური ქსელები

მეფე ჩარლზი აშშ-ის კონგრესისადმი: უკრაინის მხარდაჭერის ურყევი ვალდებულებაა საჭირო

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა