2021-11-24 15:35:30, 626 ნახვა
საზოგადოება
საქართველოში ვაქცინირებულებისთვის სახმელეთო საზღვრით შემოსვლისას PCR აღარ იქნება საჭირო
საქართველოში ვაქცინირებული საქართველოს მოქალაქეები ქვეყანაში სახმელეთო საზღვრით შემოსვლისას PCR ტესტის წარდგენის ვალდებულებისგან თავისუფლდებიან - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ, მთავრობის ადმინისტრაციაში გამართულ ბრიფინგზე განაცხადა.
"საკოორდინაციო საბჭოს გადაწყვეტილებით, საქართველოს მოქალაქეები, რომლებიც საქართველოში არიან ვაქცინირებული და ქვეყანაში სახმელეთო საზღვრით შემოდიან, PCR ტესტის წარდგენის ვალდებულებისგან თავისუფლდებიან",-აღნიშნა ღიბრაძემ.
ავტორი: ექსპრესნიუსი,
epn.ge (@expressnews.ge)
