საბურთალოს რაიონში, ლუარსაბ ანდრონიკაშვილის ქუჩაზე საგზაო სამუშაოები მიმდინარეობს. პროექტის ფარგლებში, ტროტუარი და ბორდური უკვე მოეწყო, ასფალტის ორფენიანი საფარი კი 10 000 კვ.მ ფართობზე დაიგება.

მიმდინარე სამუშაოებს საბურთალოს რაიონის გამგებელი გაიოზ ვასაძე და საკრებულოს მაჟორიტარი დეპუტატი ავთანდილ ცინცაძე გაეცნენ.

„ამჟამად, საგზაო ინფრასტრუქტურის მოწესრიგება ანდრონიკაშვილის ქუჩაზე მიმდინარეობს, სადაც ამ დროისთვის, ასფალტის ზედა ფენა იგება. სამუშაოების დაწყებამდე, კომპანია „ჯორჯიან უოთერ ენდ ფაუერმა“ (GWP) აღნიშნულ ქუჩაზე წყლის სისტემა განაახლა. დაზიანებული გზა მოსახლეობისთვის პრობლემას წარმოადგენდა. სამუშაოების დასრულების შემდეგ კი ადგილობრივებს გადაადგილების კუთხით, პრობლემა აღარ შეექმნებათ“, - განაცხადა გაიოზ ვასაძემ.

სამუშაოებისთვის, რომელსაც კომპანია „ლ ენდ ლ“ ახორციელებს, საბურთალოს გამგეობის ბიუჯეტიდან 500 000 ლარი გამოიყო.

ავტორი: NS (სტატია დაფინანსებულია),

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა