საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე  დევნილთა მიმართ სახელმწიფო სტრატეგიის განხორციელების 2021-2022 წლების სამოქმედო გეგმის სამეთვალყურეო საბჭოს სხდომას დაესწრო.

შეხვედრაზე დევნილთა სააგენტოს დირექტორმა ბესარიონ სიმონიშვილმა საბჭოს წევრებს სამოქმედო გეგმით გათვალისწინებული აქტივობების შესრულების ანგარიში წარუდგინა.

“სამოქმედო გეგმის დამტკიცებისთანავე  სააგენტო აქტიურად შეუდგა 2021 წელს განსაზღვრული აქტივობების განხორციელებას. მიმდინარე წელი, მიუხედავად პანდემიისა, დევნილთა განსახლების მიმართულებით საკმაოდ ნაყოფიერი აღმოჩნდა.   დასრულდა იძულებით გადაადგილებული ოჯახებისთვის განკუთვნილი მასშტაბური მშენებლობები რეგიონებში, რამაც ნგრევადი ობიექტების დახურვის შესაძლებლობა მოგვცა. წელს  პირველად, განვახორციელეთ ვეტერან დევნილთა განსახლების პროექტი.  ბინების გადაცემის პარალელურად კი, გავზარდეთ სოფლად სახლის შესყიდვის მიზნით გამოყოფილი თანხა, რამაც ეს პროგრამა კიდევ უფრო წარმატებული გახადა“, - განაცხადა ბესარიონ სიმონიშვილმა.

შეხვედრაზე საბჭოს წევრებმა  შესრულებული სამუშაოების ანგარიში მოისმინეს, რის შემდეგაც საკუთარი რეკომენდაციები და წინადადებები წარმოადგინეს.

სამეთვალყურეო საბჭოს შემადგენლობაში სამინისტროს, დევნილთა სააგენტოს, სხვადასხვა სახელმწიფო უწყებისა და დევნილთა საკითხებზე მომუშავე საერთაშორისო და ადგილობრივი ორგანიზაციების წარმომადგენლები შედიან.

ავტორი: NS (სტატია დაფინანსებულია),

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა