საქართველოს სტატისტიკის ეროვნული სამსახურის მონაცემებით, 2021 წლის 10 თვეში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 11.4 მილიარდი აშშ დოლარი შეადგინა, რაც წინა წლის შესაბამისი პერიოდის მაჩვენებელზე 23%-ით მეტია.

წინა წელთან შედარებით, მიმდინარე წლის იანვარ-ოქტომბერში საქართველოს ექსპორტი 24.9%-ით გაიზარდა და 3.4 მილიარდი აშშ დოლარი შეადგინა, ხოლო იმპორტი 22.3%-თ გაიზარდა და 7.9 მილიარდი აშშ დოლარს გაუტოლდა.

უარყოფითმა სავაჭრო ბალანსმა 2021 წლის იანვარ-ოქტომბერში 4.5 მილიარდი აშშ დოლარი და საგარეო სავაჭრო ბრუნვის 40.2% შეადგინა.

უშუალოდ ოქტომბერში საქართველომ უცხოეთიდან 904 მილიონი დოლარის ღირებულების საქონელი შეიძინა, რაც წინა წელთან შედარებით 24%-ით, 175 მილიონი დოლარით მეტია. 

ექსპორტი კი გასულ თვეში 31.4%-ით გაიზარდა და 411 მილიონი შეადგინა, რაც პანდემიის დაწყებიდან რეკორდული მაჩვენებელია.

ექსპორტი 29%-ითაა გაზრდილი 2019 წელთან შედარებითაც.

საქართველოს საგარეო ვაჭრობის დეტალური მონაცემები გამოქვეყნდება მიმდინარე წლის 19 ნოემბერს, სადაც გავიგებთ, თუ რის ხარჯზე გაიზარდა ექსპორტი საქართველოში.

ავტორი: ექსპრესნიუსი,

სოციალური ქსელები

WSJ: დუბაის სასამართლომ რუსეთიდან საწვავის 700 მილიონი დოლარის გაყიდვები გაყინა

მოსკოვის ციხეში პუტინის კიდევ ერთი კრიტიკოსი რეჟისორი ალექსანდრ კონდრატოვი გარდაიცვალა

AnchorGPC-ის დაბადების დღეზე საქართველოს ბანკის მომხმარებლები სპეციალური შეთავაზებით ისარგებლებენ

ისარგებლე ყოველდღე ქეშბექ შეთავაზებებით საქართველოს ბანკის SUPER ნაკრების ფარგლებში