საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია სერბეთიდან მაღალრეიტინგული ტელეკომპანიებისა და გამოცემების ჟურნალისტებსა და ბლოგერებს მასპინძლობს. პრეს-ტურის ფარგლებში სერბული მედიის წარმომადგენლებმა თბილისი, ალავერდი, შილდა, სიღნაღი, ბოდბე, ქუთაისი, წყალტუბო, მესტია, უშგული მოინახულეს. დაათვალიერეს მარტვილის და ოკაცეს კანიონები, ასევე ეწვივნენ ვანს. სერბი ჟურნალისტები საქართველოს ტურისტული მიმართულების, კულტურის, გასტრონომიისა და ღვინის შესახებ 30 წუთიან რეპორტაჟს მოამზადებენ გადაცემა „პლანეტარიუმისათვის". გადაცემას საშუალოდ 2.2 მილიონი მაყურებელი ჰყავს, ხოლო მეორე გადაცემაში „VreleGume"ჟურნალისტები 30 წუთის განმავლობაში მაყურებელს მოუთხრობენ საქართველოში ავტომობილით მოგზაურობის უპირატესობაზე, გადაცემის მაყურებლის საშუალო რაოდენობა 1.4 მილიონს შეადგენს. პრეს-ტურის შემდეგ ოთხი 5 წუთიანი ვიდეო რგოლი „Georgia From my Angle" მომზადდება საქართველოს კულტურული მემკვიდრეობის შესახებ. საქართველოს გასტრო-კულტურული მემკვიდრეობისა და თანამედროვე სამზარეულოს შესახებ სამი სტატია გამოქვეყნდება, ცალკე სტატია მიეძღვნება ქართულ მუზეუმებსა და დაცულ უნიკალურ რელიკვიებს. პარალელურად ტურის მონაწილე სერბი ჟურნალისტები და ბლოგერები სტატიებს, ბლოგებს, ფოტო-ალბომებსა და ჩანახატებს მოამზადებენ ბალკანეთის მაღალრეიტინგული გამოცემებისა და ვებ-გვერდებისთვის.

„საქართველოს ერთერთი წამყვანი ტურისტული პროდუქტების ღვინისა და გასტრონომიის პოპულარიზაციის მიზნით ჩვენ სერბეთიდან ჟურნალისტებსა და ბლოგერებს ვმასპინძლობთ. ტურში როგორც ტელეკომპანიების ასევე ბეჭდური მედიის წარმომადგენლები მონაწილეობენ. შედეგად საქართველოს შესახებ ორ გადაცემას სერბეთის წამყვანი ტელევიზიები აჩვენებენ. პარალელურად მომზადდება ვიდეო-რგოლები, დაიბეჭდება სტატიები. ამ ტურის მიზანია ჩვენი თანამედროვე სერვისების, ტურისტული პროდუქტების ღვინისა და გასტრონომიის პოზიციონირება საერთაშორისო ტურისტულ ბაზარზე."-განაცხადა ტურიზმის ეროვნული ადმინისტრაციის ხელმძღვანელის მოვალეობის შემსრულებელმა მედეა ჯანიაშვილმა.

"დღეს ჩვენ ცნობილ ღვინის რეგიონში ვიმყოფებით, დავათვალიერეთ ეკლესიები. საქართველოს ძალიან მდიდარი ისტორია აქვს. ჩვენ ვაპირებთ მთიანი რეგიონების მონახულებას. საქართველოს შეუძლია ძალიან ბევრი რამ შესთავაზოს მოგზაურებს. საქართველოს შესახებ ბევრი რამ ვიცოდი, მაგრამ აქ ჩამოსვლის შემდეგ ვგრძნობ, რომ ჯადოსნურ ადგილას მოვხვდი. ეს არის ძალიან კარგი ტურისტული მიმართულება საოცარი ხალხით. მე ვურჩევ როგორც სერბებს, ასევე ბალკანეთის რეგიონის სხვა ქვეყნების მოქალაქეებს, რომ საქართველოში იმოგზაურონ." -აცხადებს ტურის მონაწილე სერბი ჟურნალისტი.

ავტორი: R (რეკლამა),

სოციალური ქსელები

მიხეილ სააკაშვილი: არსაიდან გასვლას და არანაირ დემარშს არ ვაპირებ

ყაველაშვილმა აჭარის ა/რ მთავრობის თავმჯდომარედ ზურაბ პატარაძის კანდიდატურა წარადგინა

პაპუაშვილი ჰერჩინსკიზე: ჩვენს ისტორიაში ბნელი იყო უცხო ძალების გამუდმებული მცდელობა „ჩახუტებით გავეგუდეთ“

სუს: თანხების მითვისება-გაფლანგვისთვის დაკავებულია „კოდორიჰესების“ დეპარტამენტის უფროსი